Popular Bible Verses from Luku 18

Share

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Kota꞉ Koda꞉na꞉ wanda꞉halima꞉ iki tamba꞉ mina꞉ alo timba natena꞉ wi alo honke la꞉tiki pu haleme wanda꞉halina꞉ pota꞉ta꞉ Koda꞉ma꞉ tikitiki na yaalia꞉pe. Tamba꞉ muluekema꞉ kese kese pilia꞉pe. Dia꞉me. I̱ma꞉ iki pa꞉ta꞉ ota꞉ pi alome. Ipikana꞉ma꞉ koto kone ika꞉ pota꞉ epeaalieke. Kutu pilia꞉pate Wanda꞉halina꞉ Eiyeketa꞉ paa la꞉ka꞉la ipilia꞉ dina꞉ta꞉ do kenke wanda꞉hali paeyao pa꞉ta꞉ta꞉ paa hone tulaleme tapaketa꞉ handilia꞉pe o na handilia꞉pe laa leekeme.

Yesuma꞉ hombo peaaso alota꞉ Wanda꞉halima꞉ pea꞉peke na ya꞉la꞉ ekita꞉ Koda꞉ma꞉ ana꞉ pa꞉la꞉me leekeme.

Koto ekina꞉ mo pi yokaalu peao hayeke halima꞉ titina꞉ amba꞉la mo wanda꞉na꞉ pota꞉ epeaapeketa꞉ kiatiki piekepate pa hosiki hao hao pea ipika꞉ honema꞉ kone alota꞉ Koda꞉ pa꞉ta꞉ make paala꞉ma꞉ na homolopate wanda꞉hali pa꞉ta꞉ make hone na witolopate pa do hande kineke wanda꞉ma꞉ I̱ ka꞉nda꞉ma꞉ homaasa꞉ ekina꞉ ipika꞉ pota꞉ epeaalueke. Kotoeki na pua꞉ka꞉na꞉ta꞉ ipikita꞉ hoto paeyao a꞉pa꞉tiki pitolo hata꞉ I̱ soka꞉la꞉ma꞉ homaapa꞉na꞉ hone wiekeme leekeme.

Doeki hone wopu u hapa꞉peke. Wekiwandiki sunuma꞉ Koda꞉na꞉ Kilu Tombuao Hala꞉eki minolo piteleme tupa꞉ na mimika꞉na꞉ta꞉ kota꞉ ikita꞉ koto pa꞉ta꞉ ana꞉na꞉ na hondo pambilimikie leekeme.

Koto lemekepate Yesuma꞉ mo wekiwandiki wi la꞉ mea alota꞉ Mo wekiwandiki sunuma꞉ I̱ pa꞉ta꞉ epena꞉ma꞉ sa꞉sa꞉ na pea꞉pa꞉peke. Pa ekipeke. Do wekiwandikima꞉ handeke wanda꞉halita꞉ mo Koda꞉na꞉ Kilu Tombuao Hala꞉ ekita꞉ ika꞉ ekie.

Yesuma꞉ mo hali pa꞉ta꞉ alota꞉ A꞉pa꞉la꞉me. Handa꞉e. Naka꞉ hone tulale ekima꞉ neke epeaala꞉me.

Yesuma꞉ ipika꞉ pi hombo peaaso alota꞉ I̱ta꞉ epeke halie pita꞉ ekipeke alo alepe. Ma꞉nda꞉ hali a꞉nda꞉ epeke tupa꞉ na hala꞉pate Koda꞉ homeke epeke tupa꞉ hala꞉me.