Popular Bible Verses from Лука 3

Share

Әмтиг уснд кирслснә хөөн Исус бас Бийән уснд кирслсмн. Түүг экләд зальврхлань, генткн теңгр зааград, Әрүн Сәкүсн көглҗрһн мет үрвәд, Терүнә ээм деернь ирҗ буув. Генткн теңгрәс: «Энтн Мини хәәртә Көвүн! Эн Намаг байрлулна!» гисн оһтрһун дун соңсгдв.

Тиигхлә Йохан теднд иим хәрү өгв: – Би тадниг уснд кирслнәв, зуг нанас даву ик күчтәнь ирх. Би Терүнә буршмгиннь бүчинь тәәлх чигн зөв угав. Тер Әрүн Сәкүснд болн һалд тадниг кирслх.

Килнцтә җирһлән үлдәсән үзүлтн. «Эцквидн Абрахам» гиҗ бичә сантн, юңгад гихлә, Бурхн эн чолудас чигн Абрахамд үрдүд төрүлҗ чадх гиҗ би таднд келҗәнәв.

Модыг уңг күртл чавчх сүк белн бәәнә. Сән темс өгдго модыг тер чавчад һалд хайна.

Эшья гидг әәлдәчин дегтрт: «Эҗго көдәһәс хәәкрҗәх дун: Деед Эзнд хаалһинь белдтн! Терүнә җиминь һоолтн! Хавчг болһн шораһар дүүртхә! Уул, өөдм тегш болтха! Матьхр һазринь чикртхә! Довута замнь тинитхә! Тиигәд цуг күмн-әмтн Бурхна аврлтыг үзтхә!» – гиҗ бичәтә.