Popular Bible Verses from 2 Пётр 3

Share

Деед Эзн ирхв гиҗ өгсн үгән күцәхдән удхш. Зәрмснь Энүг удҗана гинә. Зуг Деед Эзн тадниг уданд теснә. Яһад гихлә, Деед Эзн иим саната: Кен чигн күн бичә үктхә, цуг улс килнцтә җирһлән үлдәтхә.

Зуг энүг бичә марттн, хәәртә үүрмүд. Деед Эзнд нег өдр миңһн җил мет болна, миңһн җил негхн өдр мет болна.

Зуг Мана Деед Эзн болн Аврач Исус Христосиг медлһнд болн Терүнә цаһан сананд цааранднь өстн. Эндр өдр болн оньдиндән Тер тууртха! Тиигтхә!

Деед Эзнә өдр генткн сөөһәр ирдг хулхач метәр ирх. Теңгр ик күркрәнд уга болҗ одх. Теңгрт бәәдг тоотнь: нарн, сар, одд һалд шатҗ одх. Һазр деер бәәсн юмн һазрта хамдан шатх.

Кемр цугнь тиигҗ каархла, тадн ямаран улс болх зөвтәвт? Бурхна өдриг күләһәд, Терүнә ирлһиг әрүн седкләрн үзхәр седҗәх цагт бийән Бурхнд нерәдәд әрүн җирһләр бәәтн. Тер өдрт теңгр шатад уга кегдх, сар, нарн, одд һалд хәәлҗ одх.