Popular Bible Verses from 1 Пётр 4

Share

Хамгин түрүнд әрүн седкләрн нег-негндән дурта болтн, яһад гихлә, дурн дала килнц тәвнә.

Тадн дундас кен чигн күн Бурхна олн-зүсн билгин залач мет Бурхнас авсн онц билгиг талдан әмтнә сәәһин төлә олзлх зөвтә.

Үг келҗәх күн Бурхна үг олзлх зөвтә. Талдан улст нөкд болҗах күн энүг Бурхна өгсн күчәр кех зөвтә. Тиигхлә Бурхн цуг юмнд Исус Христосар дамҗад туургдх. Терүнә туурмҗ болн күчн мөңкиндән бәәтхә. Тиигтхә!

Кемр тадн христиан болҗ зовлң эдлхлә, энүнәс бичә ичтн, зуг тиим ач эдлсндән Бурхиг туурултн.

Удл уга цугин чилгч ирх. Эн учрар бийән бәртн, серглң ухата бәәтн, зальврхар белн болтн.

Хәәртә үүрмүд, таниг сөрхин төлә илгәгдсн һал шүрүн зовлңд орсн цагтан бичә алң болтн. Энд өврмҗтә юмн уга. Зуг Христосин зовлңд орлцсндан байрлтн. Тиигәд Терүнә туурмҗ үзүлгдх цагт, тана седкл күццднь байрар дүүртхә.

Һундл өрглго нег негән гиичлүлтн.

Эн учрар Бурхна таалар зовҗасн улс эврәннь әмән итклтә Үүдәчд даалһад, цааранднь чигн сә кеһәд бәәтхә.

Кемр Христос цогц-махмударн зовагдсн болхла, тадн бас зовлң эдлхәр белн болтн. Цогц бийәрн зовдг күн килнц кедгән уурна. Тегәд тер цагас авн күн эврәннь седвәрәр биш Бурхна таалар насни туршт бәәнә.

Кемр тадниг Христосас көлтә му келхлә, тадн буйн кишгтәт, яһад гихлә, Бурхна Туурмҗта Сәкүсн таднла хамдан бәәнә.