Popular Bible Verses from 1 Пётр 2

Share

Тадн болхла, Бурхна келн-әмтн, шүүҗ авгдсн әрүн болн Бурхна алдр йовдлмуд зәңглх улс болн Хаана гелңгүд мөн. Бурхн тадниг харңһуһас Эврәннь һәәхмҗтә герлүр дуудсн билә.

Мадниг килнцин үлмәһәс һарад, чикәр бәәтхә гиһәд, Тер Бий деерән мана килнц авад, кирсд әмән өгсмн. Терүнә шавар бидн эдгләвидн». Тадн төөрсн хөд мет биләт. Зуг ода эврәннь Хөөч талан, тана седклин Харулч талан хәрү ирвт.

Урднь тадн келн-әмтн биш биләт, ода Бурхна келн-әмтн болвт. Урднь Бурхн тадниг хәәрлсн уга билә, ода болхла хәәрлнә.

Нилх үрн үс уухар седдг метәр, тадн Бурхна үгәс уухар седтн. Тегәд тадн өсәд аврлтд күрхит.

Хәәртә үүрмүд! Би тадниг зуульч болн хәр улс метәр эрҗәнәв: Тана ухан-седклтә дәәлддг килнцтә тачалмудас хол йовтн. Буру номта улс дунд чикәр бәәтн. Тегәд тадниг хар сана һарһдг улс гиҗ гемшәдг әмтн тана цаһан йовдлмуд үзә бәәҗ Бурхиг ирхлә, Терүг туурулх.

Бурхн тадниг әмд чолун кевтә олзлад, Эврәннь сүмиг тосхҗана. Тегәд тадн әрүн гелңгүд болад, Әрүн Сәкүснәс һарчах бәрц бәрхит. Эн тәкл Исус Христосар дамҗад Бурхнд тааста.

Тадн ямаран чигн худл келдг, хар саната, хойр чирәтә бәәдлән, үлү үзлһнә, худл герчллһнә заңган хайтн.

Деед Эзн тал өөрдтн. Тер әмтнә һолсн әмд чолун болвчн, Терүг Бурхн шүүҗ авла. Тер Бурхна хәләцәр үнтә болҗана.

Тадн сул улс кевтә бәәтн. Зуг хар санаг нуухин төлә, сул бәәдлән бичә олзлтн. Бурхна зарцнр мет бәәтн.

Бурхна таал иим: Сә кеҗәсәрн эргү әмтнә меддгоһас һарсн күүндвриг уурултн.