Popular Bible Verses from 1 Йохан 4

Share

Дурн әәнә гидг юм медхш. Зуг төгс дурна учрар әәмшг көөгднә. Яһад гихлә, күн цааҗ ирх гиһәд әәнә. Әәдг күн Бурхиг күццднь дурлхш.

Үрдүд мини! Тадн Бурхнас, тадн деми әәлдәчнриг диилвт. Яһад гихлә, тана седклд Бәәдгинь орчлңд бәәдгәс деер.

Бурхн түрүләд маднд дурлсн учрар бидн Бурхнд дуртавидн.

Хәәртә үүрмүд мини! Нег-негндән дурта болхмн. Дурн Бурхнас. Тер учрар дурлдг күн Бурхнас төрсн болн Бурхиг меднә.

Кү эс дурлдг күн Бурхиг медшго, яһад гихлә, Бурхн гисн дурн.

Дурн гисн эн: бидн Бурхнд дурлсн биш, Бурхн маднд дурлҗ, әмтнә килнциг Эврәннь Көвүһәрн тәвҗ өгүлхин төлә Терүг орчлңд илгәҗ.

Хәәртә үүрмүд мини! Кемр Бурхн маднд тиигҗ дурлхла, бидн бас нег-негндән дурта болх зөвтәвидн.

Ор һанцхн Көвүһән орчлңд илгәһәд, Бурхн Эврәннь дуран маднд үзүлв. Терүнә нилчәр мадниг мөңк җирһлтә болтха гиҗ Бурхн тиигҗ.

Би Бурхнд дуртав гисн, зуг ахдан дурго күн худлч болна. Яһад гихлә, үзгддг ахдан дурго күн үзгддго Бурхнд дурлҗ чадшго.

Исусиг Бурхна Көвүн гиҗ иләр келдг күн Бурхнла ни-негн бәәнә. Бурхн терүнлә бас ни-негн бәәнә.

Христос маднд иим заавр үлдәв: Бурхнд дурта күн ахдан дурта болх зөвтә.

Хәәртә үүрмүд мини! Сәкүсн болһнд бичә итктн! Зуг сәкүсн болһниг Бурхнас эс гиҗ Бурхнас бишинь шүүҗ медтн. Яһад гихлә, эн орчлңд ода деми әәлдәчнр олн болҗ. Бурхна Сәкүсиг иигҗ медтн: Исус Христосиг күн болҗ ирв гиҗ келдгнь Бурхна Сәкүсн.

Болв Исус Христосиг күн болҗ ирв гиҗ эс келдгнь Бурхна Сәкүсн биш. Тер Христосин өшәтнә сәкүсн. Терүг ирх гиҗ тадн соңслат, ода тер орчлңд ирсн бәәнә.