Popular Bible Verses from Матфейица бицараб Рохалил хабар 10

Share

Бацӏазда гъорлъе чахъаби гӏадин ритӏулел руго дица нуж. Борхьал гӏадин цӏодорго рукӏа, маккал гӏадин хӏеренго рукӏа.

Жиндирго гӏумру цӏунун чӏарав чи гьелдаса махӏрумлъила; дие гӏоло гӏумруялдаса махӏрумлъарас гьеб хвасар гьабила.

Нужер черх чӏвазе кӏолезукьа хӏинкъуге нуж, – рухӏ чӏвазе кӏоларелъул гьезда. Нуж хӏинкъа нужер рухӏги черхги жужахӏалъубе рехизе кӏолев Аллагьасукьа.

Живго тӏад вазе хъанчги баччун, дида цадахъ вилълъунарев чиги ярагьунаро дие.

Гӏадамазда цебе дир рахъ ккурав чиясул дицаги зобалазда вугев дир Инсуда цебе рахъ кквезе бугебха. Гӏадамазда цебе диде инкар гьабурав чиясдаса зобалазда вугев дир Инсуда цебе дицаги инкар гьабила.

Унтарал сахлъизаре, хварал чӏаголъизаре, барасалъ черх бацарал рацӏцӏалъизаре, жундул рачахъе; нужееги чӏобого щвана, нужецаги чӏобого кье.

Гьединлъидал нуж хӏинкъуге: киналго къудкуздаса хириял руго нуж.

Нужеда ракӏалде ккоге дун ракьалде рекъелги босун вачӏун вугевилан. Рекъелги босун гурев, хвалченги босун вачӏун вуго дун.