Popular Bible Verses from Лукаца бицараб Рохалил хабар 3

Share

Гьале Яхӏяца киналго лъадалъ ччун рахъулел рукӏараб заманаялда гьениве вачӏарав Гӏисаги лъадалъе лъугьун дугӏа гьабулев вукӏана. Гьебмехалъ зобалги кӏирикьизарун, миккидул сураталда Илагьияб Рухӏ рещтӏана гьесухъе ва зобалаздасан гьаракьги рагӏана: – Мун вуго дие вокьулев дир Вас! Дудаса вохун вуго дун!

Яхӏяца киназдаго абуна: – Лъадалъ ччун рахъун, рацӏцӏад гьарулел руго дица нуж, амма вачӏунев вуго дидасаги гӏемерго къудрат цӏикӏкӏарав. Гьесул хьитил рухьен бичизецин мустахӏикъав гьечӏо дун. Гьес нуж рацӏцӏад гьарила Илагьияб Рухӏалдалъун ва цӏаялдалъун.

Нужерго мунагьаздаса руссун, кантӏиялъул гъотӏода пихъ барщизабе, ниж Ибрагьимил наслуялъул лъимал ругиланги гаргадуге. Гьале дица нужеда абулеб буго: жиндие бокьани, гьал ганчӏаздасанги Ибрагьимил наслуялъул лъимал лъугьинаризе кӏола Аллагьасда.

Гъутӏбузда гъоркь гӏащтӏи лъун тун бугеблъи лъай нужеда. Лъикӏаб пихъ тӏад бижичӏеб гъветӏ къотӏун цӏадаб лъезе бугебха!

Гьелдалъун ритӏухълъана Ишая аварагасул Тӏехьалда ругел гьадинал рагӏаби: «Цо ахӏи буго авлахъалда рагӏулеб: – Бетӏергьанасе нух къачӏай, битӏизабе гьесда цебе шагьра! Щибаб кӏкӏал-хъитӏ бацизабе, щибаб гохӏ-щоб тӏуцлъизабе, свераби лъугӏизаре, эхедераялги лабаллъабиги гьечӏеб, цӏвакараб нух букӏа абе, щибаб рижиялда бихьа абе Аллагьасдасан хвасарлъи!»