Popular Bible Verses from Лукаца бицараб Рохалил хабар 14

Share

– Жиндирго эбел-инсудехун, лъимал-хъизаналдехун, яцал-вацаздехун, хӏатта жиндирго гӏумруялдехун рокьукълъи гьечӏев чи дида аскӏове вачӏунев вугони, гьесухъа бажаруларо дир муридлъун вукӏине.

Живго тӏад вазе хъанчги баччун дида цадахъ вачӏунев гьечӏони, гьесухъаги бажаруларо дир муридлъун вукӏине.

Жинцаго живго тӏадегӏанлъизавурав гӏодовегӏанлъула, гӏодовегӏанго чӏарав тӏадегӏанлъичӏого хутӏуларо.

Гьедин нужеда гьоркьов вугев щивав чиясги жиндирго бугебщиналдаса инкар гьабичӏони, гьесдаги кӏоларо дир муридлъун вукӏине.

Нужеда гьоркьоса цо лъиениги бокьун бугони си базе, гӏодовги чӏун цин гьес хӏисаб гьабиларищ гьеб бан лъугӏизабизе гӏураб сурсат бугищ жиндирали. Гурони – кьучӏги лъун, бачӏого хутӏила гьесул си. Гьебмехалъ гьесда тӏад киналго релъанхъила, си базе байги бихьун, гьеб лъугӏизабизе кӏвечӏин абун.

Дуца гьоболлъухъ ахӏе мискинал, гӏажизал, рекъал, бецал гӏадамал. Гьардарав гурищ мун, гьезда кӏоларелъул гьеб дуе бецӏизе. Гьеб дуе бецӏила муъминзаби хваралъуса рахъинарулеб къиямасеб къоялъ.

Цӏам лъикӏаб жо буго. Амма гьелъул цӏамгӏаллъи холеб бугони, кин гьеб нахъеги цӏамгӏаллъизабилеб? Я ракь лъугьунаро гьелъул, я хурибе базе рак лъугьунаро. Гӏодобе бала гьеб. Гӏундул ругезда рагӏизе биччанте гьеб!