Popular Bible Verses from cēnisis 37

Share

cosip māka ki pawāmiw, ēkosi ē ki wihtamawāt ociwāma, ēkosi awasimē ki pakwātik.

isrēil māka ayiwāk ki sākihēw cosipa iyikohk kahkiyaw ot awāsimisa, cikēmā ēwakoni okosisa ē kisēyiniwit, ki miskotākēkawēw māka ē mihcētosināstēyik.

ispi māka anihi ociwāma wiyapatamiyit ayiwāk otāwiwāwa ē sākihāyit ispihc kahkiyaw ociwāmiyiwa, ki pakwātik, mina nāmawiya ki miyo ayamiik.

kēyāpic māka ki pawāmiw, ēkosi ē ki wihtamawāt ociwāma, omisi ē ki itwēt, mātika, kēyāpic mina ni ki pawāmin, poti māka kisikawi pisim mana tipiskawi pisim mina mitātaht pēyakosāp acahkosak ni ki nawakistākwak.

ociwāma māka ki isawānakēyimik; māka wiya otāwiya ki nānākatawēyitamiyiwa kā ititakot.

omisi māka ki itēw, natohtamok ki pakosēyimitināwāw, oma pawāmiwin kā ki isinamān. cikēmā cist, ē isinamān, ki takopitānaw pahkwēsikanikān kistikānihk, poti māka nit asapicikan ki pasikomakan mina ē ki samacikapawimakahk poti māka kit asapicikaniwāwa ki wāskākāpawistamwak nit asapicikan mina ē ki nawakistakik.

haw māka kiyām nipahātāk mina pihciwēpinātāk nāntaw ita wātikānihk; ki ka itwānaw māka, nāntaw maci pisiskiwa ki pikopitik; ki ka wāpahtēnān māka kē ayikiniyiki o pawāmiwina.

ēkota māka ki pimohtēwak mitiyanaitak otatāwēwiyiniwak; ki otinēwak māka cosipa wātikānihk ohci, ēkosi ē ki atāwākēcik cosipa anihi ismēilaita nisitanaw tatwāpisk soniyāwa ē tipaāmākocik; ki pēsiwēwak māka cosipa icipt askihk.

ki ayititowak māka, wāpamihk awa opawāmiw kā pētāstamotēt

ispi māka wiyāpamācik wāyaw ohci, mwayēs oti kisiwāk otihtikocik, ki oyascikēwak kita nipahācik.

ropin māka omisi ki itēw, ēkāwiya sikinamok mihko, māka pihciwēpinihk wātikānihk kā ayāk ota pikwataskihk, ēkāwiya māka nāntaw totāhk; ē wi paspiāt ocihciyihk ohci, kita pakitinamawāt kāwi otāwiya.