Popular Bible Verses from cēnisis 24

Share

ki itwēw māka, kā tipēyihcikēyan o kisēmanitoma nit okimām ēprēām, isitisahamawin kit isi natotamātin kita miyopayiyān anohc kā kisikāk, mina kisēwātotaw nit okimām ēprēām.

kiyām kita ihkim ana oskinikiskwēw kē itak, pakitina ki kwāpikākan ki pakosēyimitin kita minihkwēyān, itwēci māka, minihkwē, mina māka ki piskwāwikanēmak ni ka minaāwak, kiyām ēwako kita āwiw anihi kā ki oyakitamawat kit atoskēyākan āisak; ēkota māka ni ka ohci kiskēyitēn ē ki kisēwātotawat nit okimām.

ēkosi āisak ki pihtokahēw okāwiya sērahwa wikiyihk, ki otinēw māka ripēkawa ēkosi ki wiwiw, mina ki sākihēw; āisak māka ki nistāsēyimo kā ki poni pimātisiyit okāwiya.

ki sawēyimēwak māka ripēkawa omisi ē ki itācik, kiya nitawēmānān kiyām ki ka okāwimikwak kihci mitāhtomitanawāw mitāhtwāw kihci mitāhtomitanaw, mina kiyām ki nihtāwikihākanak kita tipēyihtamwēwak ot iskwātēmiyiwa anihi kā pakwātikocik.

ki ka aspi kihci itwēitin māka kā tipēyihcikēt kisēmanito kā tipēyihtahk kisik, mina kisēmanito kā tipēyihtahk aski, ēkā kita mēkiskwēwamat nikosis otānisiyiwa kēnanaita kā witaskimimak. māka ki ka itohtān nit askihk, mina ki ka natawāpamāwak ni wākomākanak, ēkota māka kita ohtinimat kita wiwit nikosis āisak.