Popular Bible Verses from ᒉᓂᓯᐢ 39

Share

ᑳ ᑎᐯᔨᐦᒋᑫᐟ ᒫᑲ ᑭ ᐃᐧᒉᐁᐧᐤ ᒍᓯᐸ, ᒥᓇ ᑭ ᑐᐃᐧ ᓈᐯᐃᐧᐤ ᑳ ᓇᓇᐦᐃᐸᔨᐟ; ᐊᓂᑕ ᒫᑲ ᐅᐟ ᐅᑭᒫᒪ ᐃᒋᑊᑎᐃᐧᔨᓂᐊᐧ ᐃᐧᑭᔨᕽ ᑭ ᐊᔮᐤ.

ᑭ ᑲᓇᐁᐧᔨᑕᒧᐁᐤ ᒫᑲ ᒍᓯᐸ ᑲᐦᑭᔭᐤ ᐊᓂᒪ ᑳ ᐃᓯ ᐊᔮᐟ, ᓇᒪᐃᐧᔭ ᒫᑲ ᑭ ᑭᐢᑫᔨᑕᒼ ᑫᑲᐧᐩ ᐁ ᐊᔮᐟ, ᐱᑯ ᐊᓂᐦᐃ ᐸᐦᑫᐧᓯᑲᓇ ᑳ ᑭ ᒧᐋᐧᐟ, ᒍᓯᑊ ᒫᑲ ᑭ ᒥᔪ ᐊᔨᓯᔨᓂᐃᐧᐤ ᒥᓇ ᑭ ᒥᔪᓈᑯᓯᐤ.

ᐅᑭᐸᐦᐅᐁᐧᐤ ᒫᑲ ᑭ ᐸᑭᑎᓇᒪᐁᐧᐤ ᒍᓯᐸ ᑲᐦᑭᔭᐤ ᐊᓂᐦᐃ ᑳ ᑭᐸᐅᒥᐦᐟ ᑭᐸᐦᐅᑐᐃᐧᑲᒥᑯᕽ; ᐱᑯ ᒫᑲ ᑫᑲᐧᐩ ᐁ ᐊᔨᑐᑕᑭᐠ ᐁᑯᑕ, ᐃᐧᔭ ᑭ ᑐᑕᒼ.

ᒍᓯᑊ ᒫᑲ ᐅᐟ ᐅᑭᒫᒪ ᑭ ᐅᑎᓂᐠ, ᐁ ᑭ ᑭᐸᐅᑯᐟ ᑭᐸᐦᐅᑐᐃᐧᑲᒥᑯᕽ, ᐃᑕ ᑭᐦᒋ ᐅᑭᒫᐤ ᐅ ᑭᐸᐋᐧᑲᓇ ᑳ ᑭ ᑭᐸᐅᒥᐦᐟ; ᐁᑯᑕ ᒫᑲ ᑭ ᐊᔮᐤ ᑭᐸᐦᐅᑐᐃᐧᑲᒥᑯᕽ. ᒫᑲ ᑳ ᑎᐯᔨᐦᒋᑫᐟ ᑭ ᐃᐧᒉᐁᐧᐤ ᒍᓯᐸ, ᒥᓇ ᑭ ᐋᐧᐸᐦᑕᐦᐁᐤ ᑭᓭᐋᐧᑎᓯᐃᐧᐣ, ᒥᓇ ᑭ ᒥᔦᐤ ᑭᑕ ᒥᔪ ᑲᓇᐋᐧᐸᒥᑯᔨᐟ ᑳ ᑲᓇᐁᐧᔨᑕᒥᔨᐟ ᑭᐸᐦᐅᑐᐃᐧᑲᒥᐠ.

ᑭ ᐃᐢᐸᔨᐤ ᒫᑲ ᒣᐧᐢᑕᐢ ᐃᔨᑯᕽ ᐊᓂᐦᐃ ᐅᐟ ᐅᑭᒫᒪ ᐃᐧᐃᐧᔨᐊᐧ ᑭ ᒧᐢᑕᐃᐧᓈᐠ ᒍᓯᑊ; ᒥᓇ ᑭ ᐃᑎᐠ, ᐃᐧᒉᐃᐧᐣ. ᒫᑲ ᑭ ᐋᓀᐧᑕᐁᐧᐤ, ᐅᒥᓯ ᐁ ᑭ ᐃᑖᐟ ᐅᐟ ᐅᑭᒫᒪ ᐃᐧᐃᐧᔨᐊᐧ, ᒫᑎᑲ ᓂᐟ ᐅᑭᒫᒼ ᓇᒪᐃᐧᔭ ᐸᐱᓯᐢᑫᔨᑕᒼ ᑫᑲᐧᐩ ᑳ ᑲᓇᐁᐧᔨᑕᒧᐃᐟ ᐃᐧᑭᕽ, ᒥᓇ ᓂ ᑭ ᐸᑭᑎᓇᒫᐠ ᓂᒋᐦᒋᕽ ᑲᐦᑭᔭᐤ ᐊᓂᒪ ᑳ ᐃᓯ ᐊᔮᐟ. ᓇᒪᐋᐧᐨ ᐊᐃᐧᔭᐠ ᐊᐊᐧᓯᒣ ᑭᐦᒑᔨᐃᐧᐤ ᐅᑕ ᐋᐧᐢᑳᐦᐃᑲᓂᕽ ᐃᔨᑯᕽ ᓂᔭ, ᐊᐦᐳ ᓇᒪ ᑫᑲᐧᐩ ᓂ ᓵᑭᐦᑖᐧᐠ ᑭᔭ ᐱᑯ, ᒋᑫᒫ ᑭᔭ ᐃᐧᐊᐧ, ᑖᓂᓯ ᒫᑲ ᑫ ᑭ ᐃᓯ ᑐᑕᒫᐣ ᐅᒪ ᑭᐦᒋ ᒪᒋᐃᑐᐃᐧᐣ, ᑭᑕ ᒪᒋᑐᑕᐊᐧᐠ ᑭᓭᒪᓂᑐ?

ᑭ ᐊᔨᑭᐣ ᒫᑲ ᒍᓯᑊ ᐁ ᑭ ᐱᐦᑐᑫᐟ ᐋᐧᐢᑳᐦᐃᑲᓂᕽ ᑭᑕ ᑐᑕᕽ ᐅᐟ ᐊᑐᐢᑫᐃᐧᐣ; ᐁᑳ ᒫᑲ ᐊᐃᐧᔭ ᐊᔨᓯᔨᓂᐊᐧ ᐱᑐᑲᒥᕽ ᐁ ᐊᔮᔨᐟ. ᑭ ᓴᑭᐱᑎᐠ ᒫᑲ ᐅᒥᓯ ᐁ ᐃᑎᑯᐟ, ᐃᐧᒉᐃᐧᐣ, ᑭ ᓇᑲᒋᐸᑖᐧᐤ ᒫᑲ ᐅᐢᑯᑖᑲᐩ ᐅ ᒋᐦᒋᔨᕽ ᐁ ᑭ ᐊᐧᔭᐃᐧᔮᒧᐟ