Popular Bible Verses from Nikamowina 51

Share

osīhtamawin nitēh ka‑kanātahk, kisē-manitow, astamawin oski-ahcāhk mīna nanahihtamowin.

kāwi astamawin miywēyihtamowin kā‑ohcīmakahk kipimācihiwēwinihk, mīna sīhtonin ta‑nanahihtātān.

ēkāya sipwēhtisahon ita ohci kā‑ayāyan; ahpō ēkāwiya maskamin kā‑kanātisit kitahcāhk.

nitahcāhk ē‑tapahtēyihtākwahk ēwako kā‑pakitināsoyān, kisē-manitow; namōya kika-ātawēyimāw awiyak ē‑tapahtēyimot mīna ē‑kīsinātēyimot otēhihk.

kisēwātotawin, kisē-manitow, kisākihiwēwin ohci ēkāya wīhkāc kā‑kīsipipayik. kikihci-kisēwātotākēwin ohci kāsīnamawin nimaci-tōtamowina! kāsīyāpāwatā kahkiyaw nimacātisiwina mīna kanācihin nimaci-tōtamowina ohci!

īkatēna nipāstāhowin, ēkosi nika-kanātisin; kisīpēkinin, ēkosi nawac nika-wāpiskisin ispīhci kōna.

kikī-māyi-tōtātin, kiya piko, mīna nikī-tōtēn anihi kā‑māyakihtaman. ēkosi kwayask kā‑wiyasiwāsiyan.