Popular Bible Verses from Nikamowina 103

Share

mamihcim kā‑tipēyihcikēt, nitahcāhk, ēkwa ēkāya wanikiskisi iyikohk ē‑kisēwātisit.

pōnēyihtam kahkiyaw nimaci-tōtamowina mīna iyinihkihtāw kahkiyaw nitāhkosiwina. nipimācihik ēkāya kita-nipiwak ēkwa ē‑sawēyimikowisiyān ē‑sākihit ēkwa ē‑kitimākēyimit. nimiyik miyo-kīkwaya isko kā‑pimātisiyān, ēkosi kinwēs nika-oskāyiwin ēkwa nika-maskawisīwātisin tāpiskōc kihīwa.

mamihcim kā‑tipēyihcikēt, nitahcāhk! ē‑isi-kaskihtāyān nika-mamihcimāw kā‑kanātaniyik owīhowinihk ohci!

tāpiskōc ohtāwīmāw kā‑isi-kitimākēyimāt otawāsimisa, pēyakwan ēkosi isi kitimākēyimēw kā‑tipēyihcikēt anihi kā‑kistēyimikot.

ē‑ispīhci-pīhcāk māmihk ohci isko natimihk, ēkwa iyikohk īkatēnam kimāyi-tōtamowininawa.

kā‑tipēyihcikēt kisēwātisiw ē‑sākihiwēt, sīpiyawēsiw mīna kākikē sākihiwēw.

namōya kimākohikonaw āta ē‑kaskihtamāsoyahk, ahpō namwāc kitipahikēhikonaw kimaci-tōtamowininawa ohci mīna kimāyi-tōtamowininawa ohci. iyikohk ē‑ispāk kīsik askīhk ohci, ēkosi isi kihcēyihtākwaniyiw osākihiwēwin aniki ohci kā‑kistēyimācik.

kā‑tipēyihcikēt kī‑astāw otokimāwi-apiwin kihci-kīsikohk; misiwē tipēyihtam ē‑kihci-okimāwit.