Popular Bible Verses from Mark 11

Share

ēkosi kiwīhtamātināwāw, ispīhk ē‑ayamihāyēk piko kīkway ē‑natotamawāyēk kisē-manitow, kika-miyikowāw, kīspin kitāpwēwakēyihtēnāwāw āsay ē‑miyikawiyēk.

kikēhcināmitināwāw, awiyak kā‑itahk ōma waciy, ‘nitawi-pakastawēpiniso kihcikamīhk,’ ēkwa ēkāya ē‑ānwēhtahk otēhihk, māka tāpwēwakēyihtam anima kā‑itwēt kita-ihkiniyik, ēkosi kita-tōtamākowisiw.

kā‑nīpawiyēk ka‑ayamihāyēk, kīspin awiyak kitatāmēyimāwāw kīkway ohci, pōnēyihtamaw, ēkosi kohtāwīwāw kihci-kīsikohk kā‑ayāt kika-pōnēyihtamākowāw kimāyi-tōtamowiniwāwa.”

ōmisi itēw Jesus, “tāpwēwakēyimihk kisē-manitow.

kī‑kiskinohamawēw ayisiyiniwa ē‑itāt, “masinahikātēw kihci-masinahikanihk, kisē-manitow ē‑itwēt, ‘niwāskāhikanihk kita-mawimoscikēwak kahkiyaw ayisiyiniwak misiwēskamik ohci.’ māka kiyawāw kitisīhtānāwāw ita okimotiwak kita-kāsōcik.”

aniki ayisiyiniwak kā‑nīkānohtēcik ēkwa kā‑pimitisahikēcik kī‑tēpwēwak, “mamihcimihk kisē-manitow! kisē-manitow kika-sawēyimēw ōhi kā‑pē-takohtēyit owīhowiniyihk kā‑tipēyihcikēyit.

kisē-manitow kika-sawēyihtam kā‑wī-otihcipayiniyik otipēyihcikēwin kihci-okimāw David, kohtāwīnaw. kita-mamihcimāw kisē-manitow!” ē‑itwēcik.