Popular Bible Verses from Luke 5

Share

ēkwa ē‑kī-pōni-pīkiskwēt, kī‑itēw Simona, “isi-wēpahamok timīhk, mīna kika-pakitahikanāwāw, kita-nōcikinosēwēyēk.”

ēkwa Simon itēw, “nitōkimām, nikī-atoskānān kapē-tipisk ēkwa namwāc kīkway kinosēwak! māka sīhkimiyani, nika-pakitahwān.” ēkwa ē‑kī-pakastawēhwācik ayapiya, ocipitēwak mihcēt kinosēwa, ēkwa ē‑wī-pīkopayiyit otayapīwāwa.

māka māna kī‑sā-sipwēhtēw nisikatanohk isi, ēkotē māna ē‑ayamihāt.

namōya ē‑pē-itohtēyān kita-kakēskimakik kwayask itātisak kita-kwēskātisicik, māka kā‑pīwēyihtākosicik.”

māka ē‑wāpahtahk Simon Peter, ocihcihkwanapīstawēw Jesusa ē‑itāt, “kā‑tipēyihcikēyan, nakasin, cikēmā nikakēpātisin.”

ōmisi itēw ēsa Jesus, “ayisiyiniwak kā‑miywāyācik namōya katāc kita-wāpamācik maskihkīwiyiniwa, aniki piko kā‑āhkosicik.

ēkwa ē‑kī-kapāpitahkik ōsa, kī‑nakatamwak kahkiyaw kīkway ēkwa pimitisahwēwak Jesusa.

pēyakwāw Jesus ē‑itohtēt pēyak ōtēnāhk ēkotē nakiskawēw nāpēwa ē‑kakwātakihikoyit wasakāspinēwin. ispīhk ē‑wāpamikot kī‑otihtapipayihow ē‑kāh-kitimākimostākot ē‑itikot, “kā‑tipēyihcikēyan, kīspin kitēpēyimon, kika-kī-miywāyāhin kita-pēhkisiyān.” Jesus ēsa ē‑isiniskēyit, itēw, “nitēpēyimon, kipēhkisin.” sēmāk ēsa miywāyāyiwa.

māka ēsa ayiwāk ācimāw Jesus misiwē wāsakām, ēkwa mihcēt ayisiyiniwak kī‑pē-natohtawēwak ēkwa kita-iyinīhkahikocik aniki kā‑āhkosicik.