Popular Bible Verses from Luke 3

Share

John ē‑kī-kīsi-sīkahāhtawāt ayisiyiniwa, wīsta Jesus kī‑sīkahāhtawāw. ē‑mēkwā-ayamihāt Jesus, kīsik kī‑tāwipayiw, ēkwa kā‑kanātisit ahcāhk kī‑twēhotawēw, omīmīw ē‑isinākohisot. ēkwa pēhtākwaniyiw kīsikohk ohci ē‑itwēwiht, “kiya ōma nikosis kā‑sākihitān. kinahēyihtamihin,” itwēyiwa ēsa.

ēkosi ēsa John wīhtamawēw, “kisīkahāhtātināwāw nipiy ohci, māka awiyak wī‑takohtēw nawac ayiwāk ē‑ispīhtēyihtākosit ispīhci niya, ēkāya ahpō ē‑tēpakēyihtākosiyān kita-āpihkonamwak omaskisinēyāpiya. kika-sīkahāhtākowāw wiya kā‑kanātisiyit ahcāhkwa ohci, ēkwa iskotēw ohci.

kwayask kīkway tōtamok kita-ohci-wāpahtihiwēyēk macātisiwin ē‑pōnihtāyēk. ēkwa ēkāya papāmi-itwēk, ‘kimosōmipaninaw ōma Abraham, ēkosi nikwayaskwātisinān, namōya nānitaw kisē-manitow nika-tōtākonān.’ kiwīhtamātināwāw, kisē-manitow ka‑kī-otinēw ōhi asiniya kita-āniskotāpānēhāt Abrahamwa!

kisē-manitow tāpiskōc nāpēw kā‑wī-kīskatahwāt ocēpihkohk; tahto mistik ēkāya ē‑takahki-mīnisiwit ka‑kīskatahwāw ēkwa macostēwēpināw.”

kā‑isi-masinahahk okiskiwēhikēw Isaiah kihci-masinahikanihk: “awiyak matwē-tēpwēw pakwataskīhk: wawēyīhihkok ayisiyiniwak kā‑tipēyihcikēyit ohci ēkwa kwayaskwamohtāk mēskanaw ita kita-pimohtēt. ita kā‑wāyahcāhk kita-sākaskinācikātēw, ēkwa ispatināwa mīna waciya kita-tahtakwāwa. ē‑wāwākamohki mēskanawa kita-kwayaskwamohtāhk, ēkwa ē‑māyācāk mēskanāsa kita-kwayaskwastāhk. kahkiyaw ayisiyiniwak kita-wāpamēwak kisē-manitowa ē‑pimācihiwēyit!”