Popular Bible Verses from Luke 17

Share

Jesus itēw, “pasikō ēkwa ati-sipwēhtē, kitāpwēhtamowin ohci kā‑miywāyāyan.”

kīspin kimāyi-tōtāk tēpakohpwāw pēyak kīsikāw, ēkwa tahtwāw ē‑māyi-tōtahk ē‑pē-wīhtamāsk ē‑mihtātahk, pōnēyihtamaw.”

pēyak nāpēw ē‑kiskēyihtahk ē‑miywāyāt kī‑pē-nātēw Jesusa ē‑mamihcimāt kisē-manitowa ē‑kisīwēt. kī‑otihtapipayihow ita ē‑nīpawiyit Jesusa ē‑nanāskomāt. ēwako awa nāpēw Samaria askīhk ohci.

ēkosi aswēyihtamok tānisi ē‑isiyinīhkēyēk! “kīspin kiwīcēwākan maci-tōtam, wīhtamaw ē‑māyi-tōtahk, ēkwa kīspin mihtātam, kika-pōnēyihtamawāw.

ōmisi itwēw Jesus, “namōya cī mitātaht nāpēwak kī‑iyinīhkahāwak? tāniwēhkāk aniki kēkā-mitātaht?

kā‑tipēyihcikēt itēw, “kīspin kitāpwēhtamowiniwāw ispīhcāw iyikohk ē‑māwaci-apisīsisit osāwi-kiscikānis, kika-itāwāw awa misi-āhtik, ‘kwayakipitiso askīhk ohci ēkwa nitawi-kistikahiso kihcikamīhk,’ ta‑tōtam ōma kā‑sīhkimiht.

awiyak ē‑kakwē-pimācihtāt opimātisiwin kita-wanihtāw, ēkwa awiyak wanihtāci opimātisiwin kita-pimācihtāw.

Jesus ōmisi itēw okiskinohamawākana, “ohcitaw ispayin māna maci-kīkwaya ē‑wēpihikocik ayisiyiniwak kita-maci-tōtahkik. māka ayiwāk ka‑māyi-tōtamāsow awiyak ē‑tōtamōhāt kotaka kita-maci-tōtamiyit. nawac kita-miyopayiw ēwako ayisiyiniw kita-tāpiskamōhiht pinipocikan-asiniya ēkwa kita-pakastawēwēpiniht kihcikamīhk ispīhci kita-maci-tōtamōhāt ōhi kā‑apisi-itēyihtākosiyit.

tāpiskōc ispī Noah kā‑pimātisit, pēyakwan ēkosi ayisiyinīwikosisān takohtēci ka‑ispayin. kahkiyaw ayisiyiniwak āhci piko kī‑mīcisowak mīna kī‑minihkwēwak, ēkwa nāpēwak mīna iskwēwak kī‑wīkihtowak, isko Noah kā‑pōsit nāpihkwānihk, ēkwa kā‑iskipēk ōma askiy, ēkwa kahkiyaw ayisiyiniwak ē‑misiwanācihikocik.