Popular Bible Verses from Luke 15

Share

ēkosi tāpwē ati-kīwētotawēw ohtāwiya. “wāhyaw kēyāpic ē‑ayāt wīkiwāhk ohci, kā‑pē-itisāpamikot ohtāwiya, mistahi ēkwa kitimākināk, pē‑nakiskāk ē‑pāpāhtāyit ē‑ākwaskitinikot mīna ē‑ocēmikot.

ayisk awa nikosis ē‑kī-nipit māka ēkwa pimātisiw, kī‑wanihow māka ēkwa miskawāw.’ ēkosi ēkwa kī‑māci-miyawātamwak.

ēkosi pēyakwan itēyihtākwan kīspin pēyak ē‑macātisit ē‑kwayaskātisit osām ē‑mihtātahk owanitōtamowina; ayiwāk mistahi miywēyihtākwan kihci-kīsikohk ispīhci wiya kēkā-mitātahtomitanaw kēkā-mitātahtosāp iyiniwak ēkāya katāc kita-mihtātahkik owanitōtamowiniwāwa ē‑itēyihtahkik.

hāw, mahti nika-kīwān nohtāwiy wīkihk isi, ēkwa ōmisi nika-itāw, “hāw, nohtā, nikī-māyi-tōtawāw kisē-manitow mīna kiya.

ēkwa osīmimāw ōmisi itēw, ‘hāw, nohtā, nikī-māyi-tōtawāw kisē-manitow mīna kikī-māyi-tōtātin. namwāc nitēpakēyihtākosin kikosis kita-itikawiyān.’

“hāw, mahti kīspin kiyawāw pēyak nikotwāw ē‑ayāwāt mitātahtomitanaw māyacihkosa ēkwa pēyak wanihāci, tānisi ka‑tōtahk? kita-nakatēw anihi kēkā-mitātahtomitanaw kēkā-mitātahtosāp māyacihkosa, mīna kita-natonawēw kā‑wanisiniyit iyikohk miskawāci.