Popular Bible Verses from Phatna-late 139

Share

A lauhuaipi le a lamdangpi in kei hong kibawl ahi manin nang kong phat hi; na nasepte lamdang hi, cih teltakin ka thei hi.

Pasian aw, kei hong pheklek inla, ka lungsim thei in; hong zia-et inla ka lunghimawhnate thei in. Ka sungah langbawlna lampi khatpeuh a om kha hiam cih mu inla, tawntung lampi ah kei hong kha in.

Ahang in, ka hinna sungnungpen dong nangma piansaksa hi-a; ka nu sul sungah kei nong khuituah khin hi.

pumpi ahi nai lo keimah na mitin nong mu hi. Kei adingin a kikipsaksa ni khempeuh khat beek a tun ma-in na laibu sungah a kigelh khin hi.

TOPA aw, nang kei hong pheklekin nong thei khin hi.

Nangma Kha pan koi ah pai thei ding ka hi hiam? Nang omna panin koi ah taimang thei ding ka hi hiam?

Ka heksuk, ka hektohna na thei hi; a gamlapi panin ka ngaihsutna nong tel hi.

Ka leii tungah kammal khat beek a omma-in teltakin na thei hi, TOPA aw.

Ka pusuahna le ka lupna nong tel a; ka lampite khempeuh na theihsa ahi hi.