Popular Bible Verses from Mark 6

Share

Tua ciangin mipite a ciah le a kuan a tam luat manin an nek hun ding nangawn nei lo uh a, amaute kiangah, "Gamdaihna mun khatah no kia bek in hong zui unla, tawlnga un," a ci hi.

Jesu in amaute kiangah, "Kamsangpa ama khua sung, ama tanau-te lak le ama inn sung bekah a kipahtawi kei hi," a ci hi.

Jesu lei-ah a tun ciangin mihonpi tampi a mu hi. Amah in amaute khuatuah hi, bang hang hiam cih leh amaute a cingpa om lo tuuhon tawh kibang uh hi. Tua ciangin amaute thu tampi a hilh hi.

Tua lai-ah amah in mi cina tawmkhatte tungah a khut nga-in a damsak lohngal nalamdang khat beek a bawl thei kei hi. Amah in amaute uplahna lamdang a sa hi. Tua ciangin Jesu, khua khat pan khua khatah thuhilhin a vak kawikawi hi.

Tua anlum nga le ngasate gel la-a, vantung lam ento-in lungdam a koh khit ciangin anlumte a balkham hi. Tua ciangin mipite a lui dingun a nungzuite a pia hi. Amaute khempeuh lakah ngasate gel zong a hawm hi. Amaute in ne uh a, a kham pikpek uh hi. Nungzuite in anlum le ngasa athem aneng bawmta sawm-le- nih a tawm uh hi.