Popular Bible Verses from Matthew 5

Share

Mite in meivak a vak uh ciangin kuang a khuh kei uh hi. A khuh sangsikin inn sunga omte khempeuh in khua a muh theih nadingin meivak tunna tungah kikoih zaw hi. Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.

"Note leitung khuavak na hi uh hi. Mualtunga om khuapi a kiliah thei kei hi.

Lungsim siangthote thupha ngah ahi hi, ahang in, amaute in Pasian a mu ding uh hi.

Thumaanna hanga gilkial dangtakte thupha ngah ahi hi, ahang in, amaute kitaiisak ding hi.

Ahi hangin ken kong geninah, na galte d na it un; hong bawlsiate ading thu na ngetsak un.

"Kha-a gentheite thupha ngah ahi hi, ahang in, vangtung gam amau aa ahi hi.

Kilemna a bawlte thupha ngah ahi hi, ahang in, amaute Pasian tate kici ding hi.

A dahte thupha ngah ahi hi, ahang in, amaute a kihehnem ding hi.

Thumaanna hanga kibawlsiate thupha ngah ahi hi, ahang in, vantung kumpi-gam amau aa ahi hi."

Mi lainat siamte thupha ngah ahi hi, ahang in, amaute lainatna kingahsak ding hi.

"Keima hangin engkona, bawlsiatna le zuauthu tawh gitlohna nam khempeuh a hong kingawh ciangin thupha ngah na hi uh hi. Note ma-a kamsangte zong tua mah bangin bawlsia uh ahi manin lungdamin kipak un, bang hang hiam cih leh vantung ah no ading pahtakman a lian hi.

Lungnemte thupha ngah ahi hi, ahang in, amaute in leitung a luah ding uh hi.

"Note leitung ci na hi uh hi. Ahi hangin ci a alna mang leh bangci ki-alkiksak thei ding ahi hiam? Buakhia a mite tuatcil ding longal a hoihna om lo hi

Tua ahi ciangin vantunga om na Pa uh a hoihkim bangin note zong na hoihkim un.

A hite, ‘Himah,’ a hilote, ‘Hikei,’ ci lel un. Tua bansiah peuhmah gilopa kiang pana hong pai ahi hi.

"‘Mittang tangin mittang, ha tangin ha,’ b a kici thu na zaksa uh ahi hi. Ahi hangin ken kong geninah, migilopa na nang kei un. Na pang taklam hong bet leh alang lam zong na dawh in.

Na taklam mittang in hong khialhsak leh khelkhia inla paimang in. Na pumpi kimin hell sunga hong kipaih sangin na pumpi na khat a hem ding nang adingin hoihzaw hi. Na taklam khut in hong khialhsak leh sattan inla paimang in. Na pumpi kimin hell sungah na lut sangin na pumpi hiang khat a hem ding, nang adingin hoihzaw hi.