Popular Bible Verses from Matthew 24

Share

Tatsiatna khang ding ahi manin mi tampite ki-itna a kiam ding hi. Ahi hangin a bei donga kipte in hotkhiatna a ngah ding uh hi.

Tua ciangin mi namkim tungah teci ahi dingin leitung buppi ah kumpi-gam lungdamna-thu kihilh dinga tua khit ciangin beina a tung ding hi.

Galthu le galthuthangte na za ding uh hi; ahi hangin na patau nai peuhmah kei un. Tua thute a piang pelmawh ding mah ahi hi. Ahi hangin a beina hi nai lo hi.

Minam khat le minam khat kido dinga, gam khat le gam khat a kido ding uh hi. Mun tuamtuamah kialpi tung dinga, zin a ling ding hi. Hihte khempeuh nausuahnat kipatna ahi hi.

Van le lei a mangthang ding hi; ahi hangin ka thute a mangthang ngei kei ding hi.

Keima minin mi tampi hong pai ding uh a, ‘Keimah, Christ d ka hi hi,’ ci-in mi tampi khem ding uh hi.

"Tua ciangin note bawlsiat ding le thah dingin hong kipiakhia dinga, keima hangin minam khempeuh in note hong mudah ding uh hi. Tua hun ciangin mi tampitak in upna taisan dinga, khat le khat kimudah in kilehhek ding uh hi. Kamsang-zuau tampi hong kilangin mi tampi a khem ding uh hi.

Jesu in, "Note kuamah in hong khem zawh loh nadingin na kigalging un.

Tua hi-a na lamet loh laitakun Mihing Tapa hong pai ding ahi manin kigingsa in om den un.

"Tua ahi ciangin na Topa uh hong pai ding hun thei lo na hi manun na kigalging un.

"A ni le a hun kuamah in a thei kei hi; vana om vansawltakte nangawn in a thei kei uh hi. Tapa e in zong thei lo a, ahi hangin Pa bek in a thei hi.

Ahang in, Christ-zuaute le kamsang-zuaute hong kilang ding uh a, ahi thei hileh telsate nangawn a khem nadingun lim le na lamdang lianpipite bawl ding uh hi.

Mihing tapa hong pai ding, Noah hun lai mah bang hi ding hi. Tuiciin a tun ma-in gunkuangpi sungah Noah a lut ni dongin mite in ne-in, dawnin, mopi mokha-in a om uh hi. Tui khanga, amaute a lakmang hun mateng bang thu piang ding cih a thei kei uh hi. Mihing Tapa hong pai ciangin zong tua mah bang hi ding hi.