Popular Bible Verses from Colosse-te 2

Share

Tua ahi ciangin Christ Jesu, Topa a na sansa bang tektekun ama sungah nungta suakin, note hong kihilh bangin ama sungah zungkha-in, kilamin upna ah thakhauhin om unla lungdamna tawh kidimlet tawntung un.

Christ tunga kingak sangin mihingte tang ngeinate tung le hih leitung thubulte tunga kinga-a a hawmpi le a khem thei thuguizuihna tungtawnin kuamah in sal-a hong mat loh nadingun kikem un.

Note na mawhnate uh le na mawh dim pianngei b vunat lohna sung uhah na sih laitakun Pasian in note c Christ tawh hong nungta khawmsak hi. Amah in i mawhnate khempeuh hong maisaka, eite langa pang eite hong do, a kigelhsa ngeina-bucing le a zuih ding ngeinate phiat-a, singlamteh ah kilhin a lakhiamang hi.

Ahang in, Christ sunga Pasian-hina bucing pumpi nei-in a vekpi in om a, vangliatna le thuneihna khempeuh tunga lutang ahipa, Christ sungah kicinna note hong kipia hi.

Tua ahi manin annek tuidawn ahi a, biakna pawikham ni, Kha Det pawi ahikeh Sabbath ni tawh kisai-in note tungah kuamah thu na khensak kei un. Hihte in hong tung ding nate liim ahi hi; a taktak pen ahileh Christ sungah a om hi.