Popular Bible Verses from 2 Thesalonica-te 2

Share

Lam khat peuhpeuh ah kuamah na kikhemsak kei un, ahang in, lehdona piangin, siatna-a kisehsa thukham palsatna c mipa hong kilak mateng in tua ni hong tung lo ding hi.

Ahi hangin Topa in hong it sanggamte aw, a cilin Pasian in Kha siansuahna nasepna tungtawn le thutak upna tungtawna hotkhiat nadingin note hong teel a manin Pasian tungah lungdam ka koh den ding mah uh ahi hi.

Amah in Pasian a kici na khempeuh ahikeh a kibia khempeuh langdo dinga, Pasian biakinnpi sungah kikoihin, amah le amah kitawisangin amah le amah Pasian kici-in a kitangko hi.

Eite hong itin ama hehpihna hanga tawntung hanthawnna le lametna pha hong pia i Topa Jesu Christ mahmah le i Pa Pasian in, na lungtang uh hong hanthawnin a hoih na gamtatnate uh le a hoih na pauna tenguhah hong tha khauhsak ta hen.

Hih thu hangin amaute in zuauthu a up nadingun Pasian in a vanglian lam pialsakna a puak hi

Thukham nei lo pa hong paina ahileh nalamdang, lim le a lamdang khemte tawh a kilak Satan nasepna tawh kizui hi-a, a mangthang dingte a khem gitlohna namkimin hong pai ding hi. Amaute in thutak it ding le a kihotkhiat ding a nial manun a mangthang uh hi.

Ahang in, thukham neihlohna in a simtham-a a neih vangliatna in a nasep pan zo hi; ahi hangin tu-a amah a dalpa a kilakkhiat masiah amah in tua bangin a kham lailai ding hi.