Popular Bible Verses from 2 Corinth-te 1

Share

Eite Topa Jesu Pasian le Pa, khuatuahna Pa le hehnepna khempeuh Pasian kiphat ta hen. Pasian tung pana ka ngah uh hehnepna tawh gim thuakte ka hehnep theih nadingun amah in kote ka gim thuakna khempeuh panun hong hehnem hi.

Ahang in, kote nuntakna sunga hong luang Christ thuaknate bang tektekin Christ tungtawna hong pai kote hehnepna a dimlet hi.

Hitakpi hi, ka lungsimun sihna thu khenna a thuak khinin ka kingaihsun uh hi. Ahi zongin ko le ko kimuang loin misite a thosak Pasian ka muan nadingun hih thu a piang ahi hi.

Tu-in Christ sungah note le kote kiptaka hong ding khawmsakpa Pasian ahi hi. Amah in eite sathau hong nilh zo a, ama hong neihna seal eite tungah hong khenin, hong tung ding ciamna-in khamkholhna ama Kha eite lungsungah hong koihsak hi.

Kote ka lungdon uh leh note hehnepna le hotkhiat nading ahi hi; kote hong kihehnem leh tua in kote thuak bangbang na thuak zawh nading uh note thuakzawhhatna hong guan hehnepna ahi hi.