Popular Bible Verses from 1 Peter 2

Share

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

Mawhnate i sihsan theih nading le thumaanna i nuntakpih theih nadingin ama pumpi mahmah in i mawhnate sing tungah pua zo hi. Ama liammate hangin note hong kidamsak zo hi. Ahang in, note a pialmang tuu tawh na kibang uh a, ahi hangin tu-in na khate uh a Cingpa le a Kempa kiangah na ciah kik zo uh hi.

Khatvei lai-in minam na hi lo uh hangin tu-in Pasian mite na hi uh hi; khatvei lai-in lainatna na ngah loh uh hangin, tu-in lainatna na ngah uh hi.

Note hotkhiatna ah na khantoh theih nadingun naungek suak tungte bangin khalam nawizu siangtho na lunggulh un

Kong it lawmte aw, na kha uh hong do den, mawhdim lunggulhnate pana kidek dingin leitung ah gamdang mite le mikhualte bangin kong kun hi. Lawkite lakah tua bang nuntakna hoih na nungta un. Amaute in a khiala hong ngawh uh hangin, na gamtatna hoihte uh mu thei ding uh a, Pasian in eite hong veh ni ciangin amah a minthangsak ding uh hi.

note zong Pasian san theih dingin Jesu Christ tungtawna khalam biakpiakna a bawl siampi siangtho dingin khalam inn-a kilam a nungta suangte bang na hi uh hi.

Tua ahi manin etsatna khempeuh, khemna khempeuh, kineih-siamna, enna le mindaisakna namkimte na paikhia un.

Mite in a nial, ahi hanga Pasian in a teelsa, ama adingin a manpha a nungta Suang kiangah nong pai bangun

A suakta mi bangin na nungta un; ahi hangin na suahtakna uh gitlohna khuhna-in na zang kei unla, Pasian nasemte bangin na nungta un.

Ahang in, a hoih na sep uh hanga mihaite haipaunate na daihsak ding uh Pasian deihna ahi hi.