Popular Bible Verses from MATIU 19

Share

I Jisas mo leo vano lure, mo veve lawera vena, “U gona meire tangaloi, nge God mo vai lei na gineu doluegi.

A vevenagi rohe gairue tea taligu, nge a betugi gatagale. Giniehi, irahine i God u vilebubuginire, a tangaloi vin he vilewahera tea.”

I Jisas mo duvi lawera vena, “Wa igimiu nehe valu na Reve reve Gogona ngaha tea? ‘Lo tauvuigi i God u teu na mwera ko a vavine, ko mo veve vena, “Giniehi, a tangaloi vin siregi tamana ko i retahine, ko mo bulu mei horana, ko ingere gairue roin voragi betugi gatagale.” ’

I Jisas mo veve vena, “Nen siregi nire ira maresu ve ran vonai lobeku, ko nese vai gorora, huri a vevenagi a Ute noi God i mo ratahigi lolona, a nora tangaloi rau mwereire ngaha.”

Nge ingere rau sao ram tomue rain tu tagu, ko ingere hi rau sao ram tu tagu rain tomue.

Ko irahine tea ram siregi na valera, sige ire tuara, sige ire haqera, sige tamara, sige iretahire, sige ire neture, sige a tanora, a vevenagi ineu, ngehi vin lei vagavudolue vage lo ulugi, ko vin lei na mwasoana ngehi vin he rovo lai tea.

I Jisas mo veve lawea vena, “?Tare ve gom tarani ve goin vovohoi, goin vano gom sogagi vohogi na nomu lalaie teri, ko gom bete na mane gi lawera mahogi, ko goin haqe na lalaie lo eulu; siu gon vonai, gon hurieu.”

I Jisas mo duvi lawea vena, “?Huri hava gineu gom huieu huri na gineu garea? Nge Gatagale hogosie u garea. Tare ve gom tarani ve goin ehu sulo mwasoana, goin tatabegi na Leo hora.

Ko taligu nam veve lawe gimiu vena u huire huri ve a tangaloi hi a mwerai homu ve vin soro lolo tanoi ratahigi hi God mo ratahigi lolona dena bulugi ve vin ehu turu na matai nitil.”

Nge ineu nam veve lawe gimiu vena, ihine tea mo hora vohogi horana, ko mo lagi mena vavine wagineu, nge horana he vai vagasile tea mena mwera, nge mo vagasile.

Siu i Jisas mo veve lawera nona rorongtagi vena, “A hogo, nam veve lawe gimiu vena, u gona garagara huri ve a tangaloi a mwerai homu vin ehu lolo mwasoana garaqa God mo ratahigi lolona.