Popular Bible Verses from JON 3

Share

Huri i God u tabe na ure hageliu; giniehi ne mo siregi Netune gatagale hogosie, huri ve rahine doluegi rain ladohogoginie rain he mate tea ne rain hakovi na mwasoana radu.

Huri God he hora Netune tea sulolo ure ve vin vevegi na tangaloi nge ve vin vagamwasoire.

I Jisas mo duvi lawea vena, “A hogo, a hogo, nam veve lawego vena, ihine tea vin he leo na mwasoana garaqa tea i God mo ratahigi lolona nge hogosie tare ve ingeie vin vora taligu.”

Ihine tea mo ladohogo gi Netui God vin he veveginie lai tea; ihine tea he ladohogo tea u veveginie beno, huri ingeie he ladohogo tea lui Netui God gatagale hogosie.

A vevegi inge ngaha a leleo u vanai beno sulolo ure, ne a tangaloi rau tarani na dodogi u liuhage dena leleo, huri ingere ram vai na gineu rau esi.

Ingeie vin lawua taligu, ineu nain mala hivo siuvuine.

Ko ihine tea mo vai na gineu esi mo leomasi na leleo ko he vanai tea lobei na leleo, huri nge he tarani na nona gineu esi tea ve vin haharaginire.

Ihine tea mo ladohogo lui Netui God vin hakovi na mwasoana radu; nge ihine tea mo rahagi Netui God vin he hakovi na mwasoana radu tea, nge a lologagasi noi God mo eno lune.”

Mwere i Mosis u tabe hagagi na nunui mwata rau veie gena bras lo gai lolo vanue vurugi, mwerehi vage vin tabe hagagi i Netui Tangaloi

I Mama mo tabe Netune ko u bete na gineu doluegi sulo limana.