Popular Bible Verses from JON 15

Share

“Ineu a vaen, igimiu a rangagi. Ihine tea mo toga luku, ko ineu nam toga lune, vin wei a mwasigi u sao; huri gimiu nein he vai lei na gineu tea ve ineu hate mei gimiu.

Igimiu nen toga luku, ko ineu nain toga lumiu. Tare ve igimiu nein he toga tea luku, igimiu nein he wai mwasigi lei tea, u mwere na rangagi hi he wai mwasigi lei tea tare ve he bulu tea lo vuigi.

Tare ve igimiu nein toga luku, ko a noku leo vin toga lumiu, siu igimiu nein nevu huri na hava gineu tea nem tarani, siu igimiu nein leie.

Igimiu ne he leo waheau tea, nge ineu nau leo wahe gimiu, ko nau teu gimiu ve nein vano ko nein wei a mwasigi, ngehi vin eno vin tuei. Ko i Mama vin bete na hava gineu lawe gimiu hi nein nevu huri lo henaku.

“Ihine vin he haharagi lei na tabetabe tea vena liu denie hi vena siregi na mwasoana huri ira nona buluana.

Ingeie mo tai utu vovohogi na rangagi doluegi luku ngerehi ra he wai tea, ko mo qero vurugegi na rangagi doluegi ngerehi ram wai, siu huri ve rain wei vin liu den tomue.

A noku Leohora: ingeie ngaha, huri ve igimiu nen vui tabetabe gimiu, mwerehi neu nau tabe gimiu.

Tare ve igimiu nem wai mwasigi u sao ngehi mo haharagi ve igimiu ira noku rorongtagi ko ngehi mo lai na roroa lawe Tamate.

“Ineu a vaen hogo, ko i Tamaku ingeie a tangaloi rivurivu

Ihine hi he toga te luku vin tuli vohoginie, mwere na rangagi, ko vin koru. A rangagi ngerehi vin weli bubuginire ko vin tulire sulolo avi, ko rain gao vohogi.

“Ineu nau veve lawe gimiu ngaha huri ve a noku havuhevu vin toga lumiu, ko a nomiu havuhevu vin horo mangadi.

Tare ve igimiu nem ronghuri na noku Leohora, igimiu nein toga lo noku tabetabe, mwerehi neu nau ronghuri na Leohora noi Tamaku ko nam toga lo nona tabetabe.

Ngaha a hava gineu hi nau hora gimiu: ve nein vui tabetabe gimiu.”

Tare ve igimiu a tangaloi talo ure, a tangaloi talo ure rain bulu garea mei gimiu mwere ve a nora buluana. Nge neu nau leowahe gimiu dena ure ngaha, siu igimiu hatie tangaloi talo ure; a vevenagi ngaha a tangaloi talo ure ram buluesi mei gimiu.