Popular Bible Verses from LALAKOGI 2

Share

I Bita mo veve lawera, vena, “Vatavatahagi gimiu nen tudori dena nomiu galegaleasi, ko igimiu doluegi nen garuhigogona lo henai Jisas Kraes, huri God vin lei vohogi na bugumiu. Siu i God vin bete na Vui Gogona hi lawe gimiu.

Vataha tarogi ingere hi ram rorongtagi na leo ingere hi ira gaihora rau huhuire ginie ko ram bulu lo nora burigi hi. Ram bului ram vise na bereti ko ram tataro. Ko gesegi ram huri mwamwavigi na doridori ingere hi.

Ko ingere doluegi ram horo gina Vui Gogona, ko ram tauvuigi ram laqa gina leo wagiwegineu mwere a Vui Gogona mo vaire ram laqa mwerehi.

Siserigi a rorogi mo vonai lo mahava, mwere na roroi langiue lawua mo here. Mo vano doluegi na loloi vale hi ingere ram toga lolona. Siserigi ingere ram lehi na gineu mwerena mui evi, a muigi hi mo gagaburegi mo bulusire doluegi. Ko ingere doluegi ram horo gina Vui Gogona, ko ram tauvuigi ram laqa gina leo wagiwegineu mwere a Vui Gogona mo vaire ram laqa mwerehi.

Vataha rani, ingere hi ram bubugi mwere a burigi gatagale, lolo valei God. Ko ram toga ram gagani lolo valera, ko ram vise na bereti mwere hi i Jisas u veve. Siu ingere ram gagani ram rong garea. Ko ram havuhevu gesegi. Ko ingere ram toga ram waregareagi God, ko a tangaloi lavasigi ram lado mavaginire, vataha bongi a Huqe mo vagamwasoi na tangaloi lavasigi vage, ko mo vile bubuginire doluegi lo burigi hi ram saosao vage.

‘I God u veve vena, “Lo bongi vagasigi vin kakarani, ineu nai bete na noku Vui lawera tangaloi doluegi, huri ingere rai lehi na nona huireana doluegi. I renetumiu doluegi, maresu mwera koa vavine, rai serelue na leo ngerehi neu nain vevea lawera. Ko ira nomiu mwalakelo mwera, rain hueri. Ko ire tamamiu ingere rain boboregi na boborea teri.

A sinobu hi ram ladohogogi Jisas, ram bubugi vurugegi lo burigi gatagale hogosie, siu ngere doluegi ram hilegi na nora hakogineu vatavatahaginire. Ko ram sogagi na nora vanue, ko a nora hakogineu, huri a nora doridori mwerehi, huri ve rain betegi na manegi, lawera mahoi tangaloi, vin tatarise huri na havagineu hi a mahoi tangaloi ram mahogi lune.

Garea, lo tarogi hi, tare a tangaloi mo wareau lo henaku, ineu a Huqe ineu nai vagamwasoie.

Tomuegi a aho vin dodo, ko a vule vin gara mwere na dai. Siu lo tagui noku rani hi, ineu a Huqe, nge vin vomai. Nge hi a rani hi u lawua, ko u garea garagara.