Popular Bible Verses from Matiyu 24

Share

Kǝla jirenambu tǝrganayen kǝrawo am ngǝwuye tǝgǝrdi. Amma kam mǝrje har sa njerorambero dǝganamadǝ njǝkkawo cuwandi.

Koro kawuɍi kǝji nodo bargaaye adǝ ye jama duniaye sammaro shedaro wuldiyi duwon, daji njeroramdǝ isi.

Kǝriwu na karǝnso-a kuruwuso-alan nukcǝnaro fanuwiya, bare hangalndo cijǝnni! Sai awo ani burwon wakkajaiya duwon, amma sa njerorambe kua yaye cǝdǝnni.

Lardu-a lardu gade-a lawaladai, koro kǝrmai-a kǝrmai gade-a ye kattenjan kǝriwu gǝrjai. Kǝna ye na naro ngayi, koro cidi ye na gadegaden loloji. Awo ani samma badiduram boneye bas, alama kamu tia curo lejǝna gai.

Same-a cidi-a baworo waljai, amma manani tǝmmaro baworo waljiwawo.

Am ngǝwu cunilan isane: “Wuma Almasiwudǝ wo!” cane am kada cawatki.

«Daji nayia njadane basarnjane roro njeyesi, koro cuni nangaro jama duniaye samma wanjai. Daji am ngǝwu ye wua ganja koljai. Laa aman amanjaye jawui, laa gade yea wajai. Koro nawiya kattuwuye isane am kadaa jambajane cawatki.

Isaye tayiro: «Hangal gǝnanowo, bare wunduma nayia njawatkǝnni!

Adǝgaima nayi ye faadaro dǝgaiwo, dalilnjudǝ sa tǝmanuwwilan Tada Kambedǝ isi nangaro.

«Adǝ nangaro faadaro dǝgaiwo, dalilnjudǝ yim Kǝmando isidǝa nonuwwi nangaro.

«Amma yim bi sa duwon awo ani wakkajaidǝa wunduma nojǝnni. Bawadǝro kajia, malaiyawa samelan dasaana ye nojanni, Tadadǝ ye nojǝnni.

Dalilnjudǝ almasiwuwa kattuwuyeso-a nawiya kattuwuyeso-a isane alama kura so, awo ajabba ajabba so cadǝne, yoyenoa, har am kǝrejǝnadǝmaa jambajane cawatki.

Kǝnde Tada Kambedǝye alamanju jaman Nawi Nuhuye gai. Awoa jaman adǝn kawu ingi tufanaye isidǝro, amso jawui ye, casai ye, larusa so, niya so cadi ye ngai duwon, har yim ise Nawi Nuhu curo maaradǝyero kǝrgawo. Nanjama nangi duwon, ingi tufanaye ise tayi sammaa siyeyeno. Kǝnde Tada Kambedǝye ye adǝgairo walji.