Popular Bible Verses from Kucangtsi 39

Share

Yaweh ti Yusufu ta tetso, awu ru risu. Awu ta kusog unde ti kununn-wu.

Ikyaen ayine awu ya meme iken ti awu site ta kujwo Yusufu, u kab wu uwae risu iken kyi be, se itici-wu amam. Yusufu saen urom, u nyang ti sae timambe.

Ikyaen ayine unde wu nda Yusufu rurob ti wu na si risu ande ba ti ta pursuna atang meme. Patag iken ti aba ku nde atang ta kujwo Yusufu.

Awu ye ra Yusufu ka cwunnkyi pursuna uwog ti a ku pu ande ti raen Ukwe ira cwunnkyi atang. Ama kiye ti Yusufu ta pursuna atang, Yaweh te wu ta tetso, u tatso Yusufu ayib risi ti kutxuwe titinyang uwe unde ti ku kyir pursuna atang.

Kiye iki tiri uwa unde ti kununn Yusufu site ijaen risu Yusufu, ama u ri te Yusufu baa, “Ba nae te m!” Amaa Yusufu pyir u ri baa, “Unde ti kununn-m sa m tsi risu kusog-wu ne ti meme iken ti awu site. Rurob unde iki skeb-yi ana-m kusog ike be. Unde ti kununn-m byang-wu ame iken iki be, se afu amam ikyaen ti, afu si uwa-wu. Ame u nde rimang u nde itso ikentitibi yine u raen Rimam ira?”

Usir iki Yusufu sang uwae kusog ti awu kaa nde wande-wu. Unde iki, ko anyisu kununn atang iki ta-ba atang be. Unda wu ye Yusufu ti atupwa u ri baa, “Ba nae te m.” Amaa Yusufu tunn pu kutupwa-wu fa unda wu ti ajwo u sa inyae ter ruye uwae kusog atang.