Popular Bible Verses from Maraku 16

Share

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Laa naa a zang ɓɔɔ ri shing danggn ka bii ɓiɓɛ naa vuu palɛnang ɓɔɔ zang zirɛ, zang mã naa ka danggn ditɔ. Ri naa nwangsɛ suru shi kpang nɛɛ nung mɛɛ. Ri ti naa rangkɛ yee nɛɛ nyaa koo ɓɔɔgn. Naa ri yi sɔkɔ nɛɛ naa, kɔ ri ɓoo zɔ̃pɔ ɓɔɔ nyɔ zang katɔ, palɛ ri vuu ɓɔɔ kpang. Ri naa shing naa ɓarɛ ka bii zang ɓɔɔ vuu palɛ ri katɔ, bii zang kɔnang, wu ti yaa ri nɔng.”

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

A yɔɔ jasang kaɓa kɔɔ ri tɔɔ, “Nɔ́ɔ mã naa ka danggn kpang.” Nɔɔ kãa Yeesɔ yɔɔ Nazara ɓɔɔ zang ɓaa wu naa ka laa ɓɛɛ. Tɔ̀ɔ́ nɔng kpang, zang wisi wu paa tɔ. Nɔɔ pɛ̃ɛrɛ nɔng ɓɔɔ zang wɔɔ wu kagn ɓɛɛ.

Ri rangkɛ kana naa ɓarɛ ka gbalang nɛɛ, “Ɓu wi daa jĩiri ruu tari ɓɔɔ ka nyaa sàa ɓɛɛ jong wiya?” Ka ruu ɓɔɔ, tari bìí bang dɔɔli ɓɛɛ. Ɓɔɔ ri pɛ̃ɛrɛ nyaa sàa hn, ri zirɛ zang jĩiri tari bìí tɔ. Ri tu ka yeti sàa, a ri zi jasang ɓɔɔ hãa fɔ̃ɔrɔ puru nwang tɔ ka naa nakn. A ri mã naa danggn.