Popular Bible Verses from Maraku 12

Share

A Yeesɔ kasɛ nyaa tɔɔ, “Ɓɔɔ bang, wukɔ tɔɔ nɛɛ ‘Nɔɔ ɓaa shoo ta zang Isirela, Kpanti Laa ɓuru wukɔ Laa gbete. Mɔ́ɔ kasɛ Kpanti Laa ɓaaɓɛ nɛɛ yeti ɓaaɓɛ nandon, nɛɛ suru bii ɓaaɓɛ nandon, nɛɛ rɛ̃rɛnang ɓaaɓɛ nandon, nɛɛ kaka ɓaaɓɛ nandon.’ Ɓɔɔ ɓang knti ɓiɓɛ keɓe ‘Mɔ́ɔ kasɛ ruu shɔnzang doo naa ɓɔɔ mɔɔ kasɛ yuu ɓaaɓɛ kɔ.’ Nyaa ɓɔɔ Laa dangnɛ, ɓɔɔ ɓa rɛɛ weɓe kagn kpang.”

Yeesɔ ɓaa nyaa ka zang ɓɔɔ ri mantɛ vuu ka bii ɓiɓɛ, kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, suvɔ kɔ vuu ka naa kpang ɓee, vuu ɓɔɔ looyi kɔ ɓa ɓɔɔ zang piti ɓɔɔ ri looro saka ka nɔng kaɓa ɓɛɛ. Ka ruu ɓɔɔ, zang piti ri nwangsɛ saka ɓarɛ ka yeti vuu naa ɓarɛ ɓɔɔ gaagaa ɓɛɛ. Suvɔ ɓɔɔ vuu naa ɓiɓɛ kpang keɓe, atɛ ɓi vuu naa ɓiɓɛ ɓɔɔ wu wàlɛ́ vuu shaanang nɛɛ mani kɔ nwani nandon.”

Yeesɔ nwang tɔ naabm ka nɔng ɓɔɔ zang looro saka kagn ka Gãa Laa ɓɛɛ, pɛ̃ɛrɛ naa ɓɔɔ zang looro saka ɓɛɛ. Zang vuu naa, ri dɔɔli, ri looro saka kana gaagaa. A suvɔ ɓɔɔ vuu ka naa kpang arɛ naa loo saka tɔkɔlɔng.

Laa kasɛ, nɛɛ zang wu kasɛ ruu ɓiɓɛ nɛɛ yeti gbete, nɛɛ rɛ̃rɛnang ɓiɓɛ nandon, nɛɛ kaka ɓiɓɛ nandon, zang wu ti kasɛ shɔnzang doo naa ɓɔɔ zang kasɛ yuu zang kɔ. Nyaa dannang keɓe dũnnang, ɓa ɓɔɔ zang dɔɔrɔ Laa vuu katɔ.”

A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.