Popular Bible Verses from Yɔhana 15

Share

“Nkɔ laa inabi, nɔɔ manɛ kaa nasãng. Zang ɓɔɔ nɛɛ nwáng nɛɛ n, n nɛɛ ti nwang nɛɛ wu, wukɔ ra jaa dɔɔli. Ka ruu ɓɔɔ, n nɛɛ kpang, nɔɔ zunung vuu ɓɔɔ palɛnang kpang ɓɛɛ.

Nɔɔ nwáng nɛɛ n, n ti nwáng nɛɛ nɔɔ. Nasãng ɓɔɔ nɛɛ ka bii laa inabi kpang ra jaa ɓi kpang. Nɔɔ doo nɔngkɔ, nɔɔ nɛɛ nwáng nɛɛ n kpang, nɔɔ zunung vuu ɓɔɔ palɛnang kpang.

Nɔɔ nɛɛ nwang nɛɛ n, ruu mɛɛ nɛɛ ti nwang ka yeti manɛ, nɔɔ gàá vuu ɓɔɔ yeti manɛ kasɛ ɓɛɛ, zang a nɔɔ katɔ.

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Zang kasɛnang ɓɔɔ ɓa ɓɔɔ zang wu a yuu ɓiɓɛ, nɛɛ zang nyɔ wu vɔrɔ ka ruu rɛɛ ɓeesang kagn kpang.

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

N dang nyaa n tɔɔ, nɔɔ yi tĩng ka ɓɔɔ nɔɔ kàsɛ́ zɔɔ katɔ, naa ɓɔɔ n kasɛ nɔɔ ɓɛɛ.

Zang zi bannang Daa mɛɛ ka zang dɔɔli ɓɔɔ nɔɔ ɓaa ri nyaa ɓɛɛ kɔ, tɔ̀ɔ, zang ti zi kati nɛɛ nɔɔ zang ɓɔɔ ri mantɛ vuu ka bii mɛɛ ɓɔɔ niizang ɓɛɛ.

“Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, N nwang naa laa inabi ɓɔɔ tɔ̃ɔ ɓɛɛ. Daa mɛɛ ɓi kaa zang ɓɔɔ gãng jĩng ka laa inabi ɓɛɛ.

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

“N kɔ̀ɔ́ nɔɔ vuu keɓe, tɔ̀ɔ, nɔɔ tãa tĩnang ɓɔɔ n tãa ɓɛɛ kaa jong. Tĩnang manɛ wu nwang kaa nyaa kiiri.

Naa nɔɔ ta nyaa ɓɔɔ n dang nɔɔ ɓɛɛ kpang, n kàsɛ́ nɔɔ katɔ sasak. Naa ɓɔɔ n ta rɛɛ nyaa ɓɔɔ Daa mɛɛ dang m kpang, a ti kasɛ m sasak ɓɛɛ.

Ka ruu ruu keɓe kɔ n dang nɔɔ nyaa nɛɛ nɔɔ yi tĩng ka ɓɔɔ, nɔɔ kasɛ ruu zɔɔ katɔ ɓɛɛ.

Naa nɔɔ nɛ̀ɛ́ zang ɓɔɔ ri zi Laa kpang, ri nɛɛ kàsɛ́ nɔɔ katɔ. N shɛ̃ɛrɛ nɔɔ nɛɛ koo keɓe kɔ, nɔɔ manɛ tɔ̀ɔ́ zang ɓarɛ kpang, ka ruu nɔngkɔ, ri kasɛ nɔɔ kpang.