Popular Bible Verses from Jone 10

Share

Waa nyingi akali dokome mee waa nyuo kokwa soo nembala epenge. Epelyaminyipape nambame nakama keta kyakana renge doko maiyuokondali pyaa epeyo.

Namba sipisipi dupwana rapu pingi angingyuo karo. Rapu pingi angi keyange doko sipisipi dupwana lao kumuo maira, kumakamingi.

Nambana sipisipi dupwame nambana pii silyaminyipa nambame nakama kandenge dokome nakama namba moko minyuo epenge.

Dokopa nambame nakama letena renge kulisa palu palenge doko mailyunusa nakama kumalu kumuo kuma naraminyipa nambame minyaro kararonopa mendeme kingi raka lao nyii narami ingilyamo.

Namba kambu dowa doko. Mendeme namba keta epara ramo dokopa lete wai pyao papala baa potemo konando pyuo karo dokopa pama nenge nenge doko kando nao karara.

Namba sipisipi angi keyange rapu pyuo karenge. Rakange dokome namba soo gisilyamopa nambame Rakange doko soo gisingi doko suu pyao nambame nambana range dupwa soo gisilyunupa nambana range dupwame namba soo gisingi. Dopa pilyamo dokopa nambame nambana sipisipi dupwa reke lao kapa kumakamairu ingilyamo.

Nambana Rakaneme nakama namba jiyamo doko wakasa ingyuo karamo dokona mendeme banya kingi raka lao nyii narami ingilyamo. Namba Rakanepa mendaki ingyuo karambano leya.

Namba sipisipi angi keyange rapu pyuo karenge. Rakange dokome namba soo gisilyamopa nambame Rakange doko soo gisingi doko suu pyao nambame nambana range dupwa soo gisilyunupa nambana range dupwame namba soo gisingi. Dopa pilyamo dokopa nambame nambana sipisipi dupwa reke lao kapa kumakamairu ingilyamo.

Namba daa laronopa mendeme namba pyao kumakaraminde daa. Namba range maso kumuo mairu renge dokope dee kamba lete paro renge dokope namba range keta palamo. Nambana Rakangeme dopako piri langiyamuli pyuo piro leya.

Soo gisa nayami dokona Yesumi dee lamaiyuo, Kinyi kinyi langilyu, namba sipisipinya kakota lumbungi kambu dowa dopale karo.

Akali sipisipi range daa mee kanana rae maiyuo rapu pyuo karenge dokome yana suwa kararope andake nalana pingi doko epelyamo kandapala sipisipi dupwa yaki nyepala ralo penge. Dokopa yana suwa kararope andake dokome sipisipi dupwa nao rokwapala bolombalo lanyi nembo pyuo karenge.

Yesumi dopa leya. Kinyi kinyi langilyu, mendalimi mena sipisipinya kakopasa kambu rolae dokona epa napala kata wakale mendena yalala epara ramo doko waa nao kendepo nengendeme pirasa pira.