Popular Bible Verses from Abosolo 9

Share

Ani layagola Anduane Homogohanda Ananaiahondo ladai bialu lalu, Agali ogoni i̱naga biabe bia helo dabaru. Ibugua Isaraele wali agali karubi wali agali tara tara karubi kini karubi tigua i̱ mini manda biai helo lamilo i̱na ibu dabo heledogo í̱na ibu karia pu.

Ani biyagola Solo ibu odowa dindini pilope ho wiaria mbiralime lalu, Solo-o Solo-o í̱na i̱ aginaga mo tandaga harilibe, layuagola ibu hale hene. Ani layuagola Solohanda ladai bialu lalu, Anduane Homogo í̱ ai kebe, lene. Ani layagola mbirali ibugua lalu, Í̱na mo tandaga hariligo i̱ Yasu kogoni.

Ani layago hale howa Ananaiasa ibu pialu Solo andaga berearia anda pene. Anda puwa ibugua Solo haguaneni gi wialu lalu, Hamene Solo-o í̱naga de lone bayale helobi Ngode Datagaliwabe Dinini í̱ha to̱lai helobi Anduane Homogo Yasu ibuni í̱ harigani ibalu heria ha pani hayago ibugua i̱hondo pu laya handala ibiru, lene. Ani layagola mbirale wena harene ale Solonaga deha howa ibira hayagola ibu lone bayale de handabehe hene. Ani biyagola Solo ibu heyuwa baboraya bini.