Popular Bible Verses from Psalmyn 37

Share

Gow taitnys ayns y Chiarn: as ver eh dhyt yeearree dty chree.

Treisht gys y Chiarn dty raad, as cur dty varrant er: as ver eshyn lesh eh gy kione.

Cumm shickyr gys y Chiarn, as farkee dy-surransagh ersyn: as ny lhig da sneih ve ort kyndagh rishyn ta’n seihll cheet lesh, noi’n dooinney ta jannoo lurg drogh choyrlyn.

Cur uss dty varrant er y Chiarn, as jean dy-mie: jean cummal ayns y cheer, as bee oo dy firrinagh er dty yannoo magh.

Ta’n Chiarn goardrail kesmadyn y dooinney mie: as jannoo e raad booisal da hene. Ga dy duitt eh, cha bee eh treigit: son ta’n Chiarn dy chummal eh seose lesh e laue.

Nee eh dty chairys y yannoo cha sollys as y soilshey: as dty ghellal yeeragh myr y vun-laa.

Scuirr veih corree, as faag voïd jymmoose: ny bee er dty vrasnaghey, er aggle dy bee oo er dty ghreinaghey dy yannoo olk.

Va mee aeg, as nish ta mee shenn: as foast cha vaik mee rieau yn dooinney cairagh treigit, cha-moo e lhuight shooyl ny-dhieyn.

Ny jean oo hene y heaghney er coontey ny mee-chrauee: cha-moo jean uss troo mysh ny drogh-yantee.