Popular Bible Verses from Sepen 3

Share

LOD a:dowali God a:da elelo, oba kamalinapa giwa:lanapa a: dima ganabi lapila atamalelo. Oba a: dima kabigibegale sa:kelolamalelo, obate obape awe nagalale a: gelaminamalelo, obate dili gwaleda: gile a: dima sa:kelolamalelo.

A:ma tepala na: da: gaogoda:munamalowa, a:ma tepala na: da: baigama alete pa:lamalowa. Na: a: dima awaga gi atamalowa a:pite wa gobana lumate a: dima sa:keladelamadili ne a:dowali sa:sa:lena gi gwama pakakamunamalowamena tepala da:dowali tao luliyabala, LODOTE lalelo.

LODOTE a:dowali wisa a wama egema:yana, obate a: dima giwa:la ediliyana luma a wama eseda:miyana. LOD, enoba Islaelpe kanaba, a:da elelo, a: eta galabe gite pa:la gima pa:pa gwama emolamalelo.

A:ma tepala ne gi a:na:minamalowa, da:dima sosawe gi a:na:da:miniyana lumadima. Na: a:i sauda:na lumumunu galabe pawamidamamalowa a:pite wama opa:ya na:da: ediyana luma gwama gaogoda:munamalowa. Na: obai dima sa:kela gita: ewama: gita: datamalowa wa waelabegala obai pisalada:miayana sabala.