Popular Bible Verses from Ko fɔlɔfɔlɛ 9

Share

Ala mɛn ka a fɔ, a ko: «N be lahire min jiganna nde nun wole tɛma, anun wo bɔnsɛnu, anun nilama bɛ, han dunuya ni ban, a manditɛ le mu ka: n bata sengoe labɔɔ saŋɛ tɔ luuture ma. Wo sengoe le mu lahire manditɛ la, lahire min be tola nde nun dunuya tɛma.

Sengoe tini bɔɔ luuture ma, n ka a yen, n si lahire banbale la ko talɔn de, n ka min to nde Ala nun duge tɔ nilama bɛ tɛma.»

Mɔgɔ yo ka base labɔɔ a mɔgɔɲɔgɛ ma, a ka a faga, ale tugun base be bɔɔla mɔgɛ le bolo a ni a faga; bayi Ala ka mɔgɛ da a yɛtɛ misale le la.

Ala ka barikɛ sa Nuha nun a la den kayireŋɛnu la ko tɔ, a ko anu ma: «Wo ni jiidi wo ni siya duge dula bɛ tɔ han wo ni duge lafa.

Nilama bɛ, minnu be foofila, anu bata ma balue la wo ye. A fɔlɛ la, n ka kifeŋɛ tun de dii wo ma, kɔnɔ kɔtɛ, n bata subenu tugun sa a kunma.

Nilamanu bɛ si kilan wo la han a ni tanbi a tɔ. Subenu yo, kondeŋɛnu yo, bubufeŋɛnu yo, yɛgɛnu minnu be je tɔ yo, a bɛ si kilan wo la. N si wo la nɔɛ to a bɛ kunma.

Awa, wo ni jiidi wo ni siya duge kunma wo ni yiriwa han wo ni duge lafa.»