Popular Bible Verses from ಲೂಕ 6

Share

ಕೊಡಿ, ಅಕ್ಕ ದೇವ ನಿಂಗಕು ಕೊಡ್‍ಪ; ಅಮ್‌ಕಿ, ಕುಲ್‍ಕಿ, ತುಳ್‌ಕಿ ನಿಂಗಡ ಮಡ್‌ಲ್ ಚಾಯಿತೆ ಅಳ್‌ತೆ ಮಾಡಿತ್ ಕೊಡ್‍ಪ; ನಿಂಗ ಏದ್ ಅಳ್‌ತೆಲ್ ಅಳ್‍ಪಿರ ಅದೇ ಅಳ್‌ತೆಲ್ ನಿಂಗಕು ಅಳ್‌ಪ.

ನಲ್ಲ ಮನುಷ್ಯ ತಾಂಡ ನಲ್ಲ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ, ನಲ್ಲ ವಿಷಯತ್‍ನ ಎಡ್‌ತ್‌ ಕಾಟುವ; ಕೆಟ್ಟ ಮನುಷ್ಯ ತಾಂಡ ಕೆಟ್ಟ ಮನಸ್ಸಿಂಜ ಕೆಟ್ಟ ವಿಷಯತ್‍ನ ಎಡ್‌ತ ಕಾಟ್‍ವ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಂಜ ಪೊರಮೆ ಬಪ್ಪ.

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಆನಗುಂಡ್, ನಿಂಗಡ ಅಪ್ಪ ಎನ್ನನೆ ಕನಿಕರ ಉಳ್ಳವಂವೊನಾಯಿತುಂಡೋ ಅನ್ನನೆ ನಿಂಗಳು ಕನಿಕರ ಉಳ್ಳಯಿಂಗಳಾಯಿತಿರಿ.

ನಿಂಗ ದಾರ್‌ನು ತೀರ್ಪ್ ಮಾಡತಿ, ಅಕ್ಕ ದೇವ ನಿಂಗಳ ಸಹ ತೀರ್ಪ್ ಮಾಡುಲೆ; ನಿಂಗ ದಾರ್‌ನು ಕಂಡನೆ ಮಾಡತಿ, ಅಕ್ಕ ದೇವ ನಿಂಗಳ ಸಹ ಕಂಡನೆ ಮಾಡುಲೆ; ಮನ್ನಿಚಿಡಿ, ಅಕ್ಕ ದೇವ ನಿಂಗಳ ಮನ್ನಿಚಿಡುವ.

ಆಚೇಂಗಿ, ನಾಡ ತಕ್ಕ್ ಕ್‍ೕಪ ನಿಂಗಕ್ ಎಣ್ಣ್‌ವಿ: ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಿಂಗಳ ದ್ವೇಶ ಮಾಡ್‌ವಯಿಂಗಕ್ ನಲ್ಲದ್ ಮಾಡಿ. ನಿಂಗಕ್ ಶಾಪ ಇಡ್‌ವಯಿಂಗಳ ಆಶೀರ್ವಾದ ಮಾಡಿ. ನಿಂಗಡ ಕೂಡೆ ದುಷ್ಟತನತ್‍ಲ್ ನಡ್‍ಪಯಿಂಗಕ್ ಪ್ರಾರ್ಥನೆ ಮಾಡಿ.

ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ, ಅನ್ನನೆ ನಿಂಗ ಸಹ ಅಯಿಂಗಕ್ ಮಾಡಿ.

ಒಬ್ಬ ನಿಂಗಡ ಒರ್ ದವಡೆಕ್ ಪೊಜ್ಜತೇಂಗಿ, ಅಂವೊ ನಿಂಗಡ ಇಂಞೊರ್ ದವಡೆನ ಪೊಯ್ಯುವಕ್ ಕಾಟಿಕೊಡಿ; ನಿಂಗಡ ಬಟ್ಟೇನ ಎಡ್‌ಪಯಿಂಗಕ್ ನಿಂಗಡ ಕೋಟ್‍ನ ಸಹ ಎಡ್‍ಪಕ್ ತಡ್‍ಕತಿ. ನಿಂಗಡ ಪಕ್ಕ ಕ್‍ೕಪಯಿಂಗಕ್ ಕೊಡಿ ಪಿಂಞ ದಾರೇಂಗಿಯು ನಿಂಗಡ ವಸ್ತುನ ಎಡ್‌ತತೇಂಗಿ ಪುನಃ ಅದ್‍ನ ವಾಪಸ್ ಕ್‍ೕಕತಿ.

ನಲ್ಲ ಮರ ಪಾಳಾನ ಪಣ್ಣ್ ತಪ್ಪುಲೆ. ಕೆಟ್ಟ ಮರ ನಲ್ಲ ಪಣ್ಣ್ ತಪ್ಪುಲೆ.

ಏದ್ ಮರವು ಅದ್ಂಡ ಪಣ್ಣ್‌ಯಿಂಜ ಗೊತ್ತಾಪ; ಮುಳ್ಳ್‌ ಗಿಡತ್‌ಲ್ ಅತ್ತಿ ಪಣ್ಣ್‌ನ ಪರಿಪ್‌ಲೆ, ದ್ರಾಕ್ಷಿ ಪಣ್ಣ್‌ನ ಮುಳ್ಳ್ ಗಿಡತ್ಂಜಲೂ ಪರಿಪ್‌ಲೆ.