Popular Bible Verses from ಲೂಕ 24

Share

ನಾಡ ಅಪ್ಪ ವಾಗ್ದಾನ ಮಾಡ್‍ನ ಪವಿತ್ರ ಆತ್ಮತ್‌ನ ನಾನ್ ನಿಂಗಡ ಮೇಲೆ ಅಯಿಪಿ. ಆಚೇಂಗಿ ನಿಂಗಕ್ ಪರಲೋಕತ್ಂಜ ಶಕ್ತಿ ಕ್‌ಟ್ಟ್‌ವಕತ್ತನೆ ಯೆರೂಸಲೇಮ್ ಪಟ್ಟಣತ್‍ಲ್ ಪಾರಕಾತಂಡ್ ಇರಿ.

ಯೇಸು ಇಲ್ಲಿ ಇಲ್ಲೆ. ಅಂವೊ ಚಾವ್‍ಯಿಂಜ ಜೀವವಾಯಿತ್ ಎದ್ದತ್.

ಅಕ್ಕ ಅಯಿಂಗಡ ಕಣ್ಣ್ ತೊರ್ಂದತ್, ಅಂವೊ ಯೇಸೂಂದ್ ಗೊತ್ತಾಚಿ. ಆಚೇಂಗಿ ಅಂವೊ ಅಲ್ಲಿಂಜ ಕಾಂಗತ ಆಯಿಪೋಚಿ. ಅಕ್ಕ ಅಯಿಂಗ ದಂಡಾಳು: ನಂಗಡ ಕೂಡೆ ಯೇಸು ಬಟ್ಟೇಲ್ ತಕ್ಕ್ ಪರಿವಕ, ದೇವಡ ವಾಕ್ಯತ್‍ನ ವಿವರಿಚಿಡುವಕ ನಂಗಡ ಹೃದಯ ತಿತ್ತ್ ಕತ್ತಿಯಂಡಿಂಜನೆಕೆ ಇಂಜತಲ್ಲಾಂದ್ ಎಣ್ಣ್‌ಚಿ.

ಯೇಸು ಅಯಿಂಗಕ್: ದೇವ ಗೊತ್ತ್ ಮಾಡಿತ್ ಅಯಿಚ ರಾಜನಾನ ಕ್ರಿಸ್ತ ಕಷ್ಟಪಡಂಡು, ಚತ್ತಿತ್ ಮೂಂದ್ ದಿವಸ ಆನ ಪಿಂಞ ಏವಂಡೂಂದ್ ದೇವಡ ವಾಕ್ಯತ್‍ಲ್ ಉಂಡ್. ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಗೋರಿನ ಮುಚ್ಚಿತ್‌ಂಜ ಬಲ್ಯ ಪಾರೆಕಲ್ಲ್‌ನ ಉರಿಟಿತ್, ತೊರ್‌ಂದ್ ಬಚ್ಚಿತ್ಂಜಾನ ಕಂಡಿತ್, ಅಯಿಂಗ ಒಳ್‍ಕ್ ಪೋಚಿ. ಆಚೇಂಗಿ, ಒಡೆಯ ಯೇಸುರ ತಡೀನ ಅಯಿಂಗ ಅಲ್ಲಿ ಕಂಡಿತಿಲ್ಲೆ.