Popular Bible Verses from ಲೂಕ 22

Share

ಅಪ್ಪ, ನೀಕ್ ಚಿತ್ತ ಉಂಡೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಆಚೇಂಗಿ ನೀಕ್ ನಾಡ ಮೇಲೆ ಉಳ್ಳ ನಂಬಿಕೆ ಪಾಳಾಯಿ ಪೋಕತನೆಕೆ ನಾನ್ ನೀಕಾಯಿತ್ ಪ್ರಾರ್ಥನೆ ಮಾಡಿಯೆ. ನೀನ್ ಪಶ್ಚಾತಾಪ ಪಟ್ಟಿತ್ ಪುನಃ ನಾಡ ಪಕ್ಕ ಬಪ್ಪಕ ನೀಡ ಅಣ್ಣತಮ್ಮಣಂಗಳ ಸ್ತಿರಪಡ್‍ತ್‍ೕಂದ್ ಎಣ್ಣ್‌ಚಿ.

ಪಿಂಞ ಯೇಸು ಒಟ್ಟಿನ ಎಡ್‌ಪಂಜಿ ದೇವನ ತುದಿಚಿತ್, ಶಿಷ್ಯಂಗಕ್ ಪೊಳ್‌ಚಿತ್ ಕೊಡ್‌ತಿತ್: ಇದ್ ನಿಂಗಕಾಯಿತ್ ತಪ್ಪ ನಾಡ ತಡಿ, ನನ್ನ ಗೇನ ಮಾಡ್‌ವಕಾಯಿತ್ ಇದ್‍ನ ತಿಂಗಂಡೂಂದ್ ಎಣ್ಣ್‌ಚಿ.

ಉಂಡಿತ್ ಆನ ಪಿಂಞ, ಅಂವೊ ಅನ್ನನೆ ದ್ರಾಕ್ಷಿರಸತ್‍ರ ಕಪ್ಪ್‌ನ ಎಡ್‍ತಂಡ್: ಇದ್ ನಿಂಗಕಾಯಿತ್ ಬೂಕ್‌ವ ನಾಡ ಚೋರೆನಗುಂಡ್ ಮಾಡ್‍ನ ದೇವಡ ಪುದಿಯ ಒಪ್ಪಂದಾಂದ್ ಎಣ್ಣಿತ್ ಅಯಿಂಗಕ್ ಕೊಡ್‍ತತ್.

ಅಂವೊ ದುಂಬ ಮನಸ್ಸ್ ಕಷ್ಟಪಟ್ಟಿತ್ ಬೇಜಾರತ್‍ಲ್ ಪ್ರಾರ್ಥನೆ ಮಾಡ್‌ವಕಾಪಕ, ಯೇಸುರ ಬೆವರ್ ಚೋರೆರ ತುಳಿಯಾಯಿತ್ ನೆಲಕ್ ಬುದ್ದಂಡಿಂಜತ್.

ನಿಂಗಡಲ್ಲಿ ಅನ್ನನೆ ಇಪ್ಪಕ್ಕಾಗ; ನಿಂಗಡಲ್ಲಿ ಬಲ್ಯಂವೊ ಚೆರಿಯಂವೊನಾಯಿತು, ಅದಿಕಾರ ಉಳ್ಳಂವೊ ಪಣಿಕಾರನಾಯಿತು ಇರಂಡು.

ಅದ್ಂಗ್ ಯೇಸು: ಪೇತ್ರ, ನಾನ್ ಒಂದ್ ಎಣ್ಣ್‌ವಿ, ಇಂದ್ ಮಲ್ಲಂಗೋಳಿ ಕೂವಕ್ ಮಿಂಞ, ನಾಡ ವಿಷಯತ್‍ಲ್ ನೀನ್ ಮೂಂದ್ ಕುರಿ ಇಂವೊನ ನಾಕ್ ಗೊತ್ತಿಲ್ಲೇಂದ್ ಎಣ್ಣುವಿಯಾಂದ್ ಎಣ್ಣ್‌ಚಿ.