Popular Bible Verses from ಯೋಹಾನ 3

Share

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

ಈ ಲೋಕತ್‍ಲ್ ಉಳ್ಳ ಜನಳ ತೀರ್ಪ್ ಮಾಡ್‌ವಕಾಯಿತ್ ದೇವ ತಾಂಡ ಮೋಂವೊನ ಅಯಿಚಿತ್ತ್‌ಲ್ಲೆ, ಆಚೇಂಗಿ ಅಂವೊಂಡ ಮೂಲಕ ಲೋಕತ್‍ಲ್ ಉಳ್ಳ ಜನಳ ರಕ್ಷಣೆ ಮಾಡ್‌ವಕಾಯಿತೇ ಅಯಿಚತ್.

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ದೇವಡ ಮೋಂವೊನ ನಂಬುವಯಿಂಗಕ್ ದೇವಡ ಶಿಕ್ಷೇರ ತೀರ್ಪ್ ಇಲ್ಲೆ; ಆಚೇಂಗಿ ಅಂವೊನ ನಂಬತಯಿಂಗಕ್ ದೇವಡ ತೀರ್ಪ್ ಅಕ್ಕಲೆ ಕ್‌ಟ್ಟಿಪೋಚಿ. ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಒರೇ ಮೋಂವೊಂಡ ಪೆದತ್‍ನ ನಂಬಿತ್‌ಲ್ಲೆ.

ಅಯಿಂಗಕ್ ಶಿಕ್ಷೇರ ತೀರ್ಪ್ ಕ್‍ಟ್ಟುವಕ್ ಕಾರಣ ಎಂತ ಎಣ್ಣ್‌ಚೇಂಗಿ: ಅಂವೊ ಈ ಲೋಕಕ್ ಬೊಳಿಯಾಯಿತ್ ಬಾತ್, ಆಚೇಂಗಿ ಜನಡ ಕ್ರಿಯೆ ಕೆಟ್ಟದಾಯಿತ್ಂಜಗುಂಡ್, ಅಯಿಂಗ ಆ ಬೊಳಿಕಿಂಜ ಇರ್‌ಟ್‌ನ ಪ್ರೀತಿ ಮಾಡ್‍ಚಿ.

ಅಂವೊ ಬಲ್ಯದಾಂಡು, ನಾನ್ ಇಂಞು ಕಮ್ಮಿ ಆಂಡೂಂದ್ ಅಯಿಂಗಕ್ ಎಣ್ಣ್‌ಚಿ.

ಕೆಟ್ಟ ಕೆಲಸ ಮಾಡ್‌ವ ಎಲ್ಲಾರು ಬೊಳಿನ ದ್ವೇಶ ಮಾಡ್‌ವ, ಅಯಿಂಗ ಮಾಡ್‌ವ ಕ್ರಿಯೇಯೆಲ್ಲಾ ಗೊತ್ತಾಪಾಂದ್ ಬೊಳಿರ ಪಕ್ಕ ಬಪ್ಪ್‌ಲೆ.

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ಮೋಶೆ ಮಣಬೂಮಿಲ್ ಎನ್ನನೆ ಒರ್ ಕಚ್ಚಿ ಪಾಂಬ್‍ನ ನೇತ್‍ಚೋ ಅನ್ನನೆ ಮನುಷ್ಯಕುಮಾರನ ಸಹ ಕೊಡಿಕ್ ನೇತಂಡು.

ಅಪ್ಪನಾನ ದೇವ ತಾಂಡ ಮೋಂವೊನ ಪ್ರೀತಿ ಮಾಡಿತ್, ತಾಂಡ ಮೋಂವೊಂಡ ಕೈಕ್ ಎಲ್ಲಾನ ಒಪ್ಪ್‌ಚಿಟ್ಟತ್.