Popular Bible Verses from ಅಪೊಸ್ತಲ 4

Share

ಅಂವೊನ ಬುಟ್ಟಿತ್ ಬೋರೆ ದಾರ್‌ಕು ನಂಗಳ ರಕ್ಷಣೆ ಮಾಡ್‌ವಕ್ ಕಯ್ಯುಲೆ. ಬಾನತ್‍ರ ಅಡಿಲ್, ಮನುಷ್ಯಂಗಡ ಮದ್ಯತ್‍ಲ್ ಯೇಸುರ ಪೆದತ್‍ನ ಬುಟ್ಟಿತ್ ಬೋರೆ ಒರ್ ಪೆದವು ನಂಗಡ ರಕ್ಷಣೆಕ್ ಕೊಡ್‍ತಿತ್‌ಲ್ಲೆ.

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಮನೆ ಕೆಟ್ಟ್‌ವಯಿಂಗಳಾನ ನಿಂಗ, ಬೋಂಡಾಂದ್ ಚಾಡ್‌ನ ಕಲ್ಲೇ ಮನೆರ ಮೂಲೆ ಕಲ್ಲಾಚಿ.

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.