Popular Bible Verses from Efesarane 4

Share

Men ver gode mot kvarandre, miskunnsame, so de tilgjev kvarandre, liksom og Gud hev tilgjeve dykk i Kristus!

med all audmykt og spaklynde, med langmod, so de toler kvarandre i kjærleik

Ingen roten tale koma ut or dykkar munn, men slik tale som er god til naudsynleg uppbyggjing, so det må vera til gagn for dei som høyrer på

All illska og villska og vreide og skriking og spotting vere langt ifrå dykk, liksom all vondskap!

Vert de vreide, so synda ikkje! Lat ikkje soli ganga ned yver dykkar harm, og gjev ikkje djevelen rom!

at de etter dykkar fyrre livsferd skal leggja av det gamle mennesket, som vert tynt ved dei dårande lyster, men verta uppnya i dykkar hugs ånd og iklæda dykk det nye mennesket, som er skapt etter Gud med den rettferd og heilagdom som sanningi verkar.

og legg vinn på å halda Andens einskap i fredens samband

Og det er han som gav oss sume til apostlar, sume til profetar, sume til evangelistar, sume til hyrdingar og lærarar, so dei heilage kunde verta fullt tilbudde til å gjera tenesta, til uppbyggjing av Kristi lekam, til dess me alle saman når fram til einskap i trui på Guds Son og i kjennskap til han, til mogen manndom, til aldersmålet for Kristi fylla

so me ikkje lenger skal vera umyndige og lata oss kasta og driva um av kvar lærdoms vind ved meinspel av menneski, ved sløgd i kunster av villfaringi, men at me, true mot sanningi i kjærleik, i alle måtar skal veksa upp til han som er hovudet, Kristus