Popular Bible Verses from Kolossarane 2

Share

Liksom de då fekk Kristus Jesus forkynt som Herre; so ferdast i han, so at de er rotfeste og vert uppbygde i han og stadfeste i trui, so som de lærde, rike på henne med takksegjing.

Sjå til at det ikkje må vera nokon som gjer dykk til herfang med verdsleg visdom og tom dåring, etter fråsegner av menneske, etter barnelærdomen åt verdi og ikkje etter Kristus.

Ogso dykk, som var daude ved dykkar misgjerningar og dykkar kjøts fyrehud, gjorde han levande med han, med di han tilgav oss alle våre misgjerningar og strauk ut skuldbrevet mot oss, som var skrive med bodord, det som vitna mot oss, og han rudde det undan med di han nagla det til krossen.

For i han bur heile guddomsfylla lekamleg, og de er fyllt i han, som er hovudet for all makt og yverråd

Lat difor ingen døma dykk for mat eller drykk, eller i spursmål um høgtid eller nymåne eller sabbat! desse ting er berre ein skugge av det som skulde koma, men lekamen høyrer Kristus til.