Popular Bible Verses from Sawmus 31

Share

Nikwe iwinabay yawaygi payak akak yiboka, madikte yis ku pariye kamaxwenevwi givitit Kiyavwiye Uhokri!

Mmanawa pisnewa avanenekwa avuriwhun. Uya amnih wiwhun giwakutakkis nuvetunyavu, giwkis neras ku pariye nuharaksetnivwi.

Gidahankisme neras kibeynevwi ku pariye ihpenevwi piwn, pis bayehe ka aynsima pamnihra gidahankis. Madikte igkis hiyavenek ku samah pis akkin gitkis. Mmanawa pis kavigsa neras ku pariye kamaxwenevwi pivitit.

Heneme nukamaxwan ta pivitit, Kiyavwiye Uhokri; pisnewa nuwohkiga.

Pisnewa nayemwekri kuri kewa tipbe nudahan adahan numaptenten kabayntiwa. Uya huwitha nudahan nuhiyekemni ku samah pikaksan nutuh.

Ta piwakurit nah akka naymuhwan. Mmanawa nah hiyak ku pis amnihunnek, Kiyavwiye. Pisnewa Uhokri ku pariye avanenekwa keh ku samah piwn.

Bateknabay gikak Kiyavwiye Uhokri, madikte yis ku pariye kamaxwenevwi inyewa givitit! Mmanawa ig avuriwyi akak madikte gamnihra. Igkisme neras kawantiyavye ku pariye kane timepkere gak ig hiyapkisnek gitkis ku samah gimawkankis.

Kiyavwiye Uhokri, pivititnewa nah iveg. Uya amnih wiwhun ariw inin maraki ku samah nah hahwa. Mmanawna pisnewa waditye. Nikwe nah muwaka pis parak abet nuhawkan.