Popular Bible Verses from Markus 9

Share

Igme Kiyavwiye Jesus kaytwa giwn: — Mmahki pis awna inakni iwit, “ku nah hiya yayavak”? Nah hiya gayavakkis madikte hiyeg ku pariye kamaxwa nuvitit. Madikte arikna ka mahikonema nudahan.

Igme bakimni gig timapni hene, ig awna: — Nah kamaxwa pivitit. Uya ayavan keh nah pi kamaxwate pivitit akiw.

Pisenwa ig Kiyavwiye Jesus tivik pareke paytrikute. Gikannuhnivwi atak gihapti igkiswonas. Igkis ayavgi: — Ya usuh? Mmahki usuh ka hiya avukwak ner wavitye? Igme kaytwa gitkis: — Akebi ner wavitye yis ka hiya givukwak henentima kema inima. Amawka ku yis piriyepkaw ka aynsima.

Nikwe battukawnay adahan yis avuriw yihiyekemni adahan in barewbet kewa pambe, adahan yis ka amava hiyakemniki amadgaya inin abetitma yihiyekemni. Pam kabay, heneme ku in wagesbetepka payebdak akak wayk, wis ka hiya wisma barewbethin akiw.

— Ku pahavwi amnih pahavwi bakimni kene nerbe nudahan, amun ini nikwe in ke wotbe ig kuwis amnihunbe. Ku pahavwi hiyeg amnihun, amun ini nikwe in ke wotbe ig kuwis amnihbe ku pariye nawahkisten atan amadgat inin.

Ku pahavwi amnihyi awaku yis Cristo gihiyegavu, ku ig he iki aynesa un kisevye ta yit, ayge nikwe ig uti gitiwninek. Ihanabay nuwnuh. Henewatbaki in.

— Hawata akiw ku pahavwi taraksase pahavwi bakimni nopsesniye ku pariye kamaxwene nuvitit, igi katiwnihninek. Ig utinek mbayka pi mbayte akiw giw pahavwi ku pariye wanekwika gibitamna akak pohow tip nopsadnano adahan ig padekwika parahwokwate. Henewatbaki in.

Ku pis hiyap pis me taraksemet awaku pis iveg arimkat ku pariye arikna kane kabay, pi kabayte pis wareke piwtyak mpinekata pis tarakse. Mmanawa pi kabayte pis aymuhwa amun Uhokri gikumadukan mowtih mpinekata pis padekwika pebkakte piwtyak ta arimkanit ini iwetrit ku kiney kane aynsima kayahwaki.